Renato Cappellini
Renato Cappellini, nado en Soncino o 9 de outubro de 1943, é un exfutbolista italiano, que xogaba como dianteiro.
| Cappellini | |||
|---|---|---|---|
 | |||
| Información persoal | |||
| Nome | Renato Cappellini | ||
| Nacemento | 9 de outubro de 1943 | ||
| Lugar de nacemento | Soncino | ||
| Altura | 1,78 m. | ||
| Posición | dianteiro | ||
| Carreira xuvenil | |||
| Montebelluna | |||
| Carreira sénior | |||
| Anos | Equipos | Aprs | (Gls) |
| 1963–1968 | Inter de Milán | 50 | (18) |
| 1964–1965 | → Genoa | 24 | (6) |
| 1968–1969 | Varese | 25 | (2) |
| 1969–1974 | Roma | 97 | (23) |
| 1976–1977 | Chiasso | 17 | (2) |
| Selección nacional | |||
| 1967 | Italia | 2 | (1) |
| Adestrador | |||
| 1987–1988 | Ospitaletto | ||
|
Partidos e goles só en liga doméstica. [ editar datos en Wikidata ] | |||
Traxectoria editar
Formouse como futbolista na canteira do Inter de Milán, co que debutou na Serie A o 29 de setembro de 1963, nunha vitoria por 2-0 contra o Mantova.[1] Despois de pasar a tempada 1964/65 cedido no Genoa, regresou ao equipo nerazzurro, co que gañou un scudetto da man de Helenio Herrera.[2]
Nos cuartos de final da Copa de Europa 1966/67 ante o Real Madrid, marcou un gol tanto no partido de ida como no de volta, clasificándose así para a seguinte fase.[2] Nas semifinais enfrontouse ao CSKA Sofia búlgaro, eliminatoria que precisou dun partido de desempate, no que Cappellini fixo o único tanto, metendo así o equipo milanés na súa terceira final continental.[3]
En 1968 foi traspasado ao Varese, onde xogou un ano, antes de fichar pola Roma, club no que militou durante cinco campañas.[2] Posteriormente pasou polo Como, a Fiorentina e o Chiasso, da liga suíza, antes de colgar as botas en 1977.[2]
Ademais da súa carreira futbolística, tamén se dedicou a escribir historias de detectives.[4]
Selección italiana editar
En marzo de 1967 disputou dous partidos coa selección italiana e marcou un gol ante Portugal.[2]
Notas editar
- ↑ "Tra Inter e Mantova ha deciso Jair: 2 - 0". La Stampa (en italiano). 30 de setembro de 1963. p. 6. Consultado o 18 de abril de 2022.
- ↑ 2,0 2,1 2,2 2,3 2,4 Galasso 2015, p. 384.
- ↑ Cosin, Alberto (5 de xuño de 2015). "Final Copa de Europa 1967. HH claudicó ante los ‘Leones de Lisboa’" (en castelán). Arquivado dende o orixinal o 07 de agosto de 2022. Consultado o 18 de abril de 2022.
- ↑ Izzi 2017, p. 648.
Véxase tamén editar
Bibliografía editar
- Galasso, Vito (2015). L'Inter dalla A alla Z (en italiano). Newton Compton Editori. ISBN 9788854186989.
- Izzi, Massimo (2017). L'AS Roma dalla A alla Z (en italiano). Newton Compton Editori. ISBN 9788822714886.
Ligazóns externas editar
- Datos do xogador en BDFutbol (en castelán).