Ramón Díaz del Río

Ramón Díaz del Río Jáudenes, nado en Vigo o 11 de decembro de 1940 e finado na mesma cidade o 20 de novembro de 2023, foi un enxeñeiro naval e político galego.

Ramón Díaz del Río

Biografía
Nacemento	11 de decembro de 1940 Vigo, España
Morte	20 de novembro de 2023 (82 anos) Vigo, España
Eurodeputado
Representa: Alianza Popular 6 de xullo de 1987 – 24 de xullo de 1989 Lexislatura: II lexislatura do Parlamento Europeo Circunscrición electoral: España
Datos persoais
Educación	Escola Técnica Superior de Enxeñaría Naval
Actividade
Lugar de traballo	Estrasburgo Bruxelas
Ocupación	político, enxeñeiro naval
Partido político	Alianza Popular

Traxectoria

Estudou o bacharelato nos Maristas e despois marchou á Escola Naval Militar de Marín. Sen rematou, marchou a Madrid, onde se licenciou na Escola Técnica Superior de Enxeñeiros Navais (1968). Despois traballou en diversas empresas do sector navalː comezou en Hijos de Barreras como xefe de reparación, e despois marchou de subdirector a Sapiga, unha empresa pesqueira coa que tivo contacto coa pesca nos caladoiros atlánticos (Terra Nova e Suráfrica). Posteriormente accederá ao posto de director.

Militante de Alianza Popular foi conselleiro de Pesca (1982-1983) e de Industria, Enerxía e Comercio (1984-1985) da Xunta de Galicia. Foi elixido deputado nas eleccións ao Parlamento de Galicia 1985, pero deixou o seu escano en 1987 cando foi elixido deputado nas eleccións ao Parlamento Europeo de 1987. De 1988 a 1989 foi vicepresidente da delegación para as relacións cos países do Magreb do Parlamento Europeo. En 1996 foi nomeado director xerente da Fundación Provigo.

Predecesor: Baldomero Fernández Calviño	Conselleiro de Pesca  1982 - 1983	Sucesor: Juan Manuel Páramo Neira
Predecesor: Juan Manuel de la Fuente	Conselleiro de Industria, Enerxía e Comercio  1984 - 1985	Sucesor: Luciano Asorey

Vida persoal

Tivo sete irmáns. Casou e tivo tres fillos.

Véxase tamén

Ligazóns externas

• Ramón Díaz del Río Jaudenes na EGU.
• Ficha do Parlamento Europeo Arquivado 15 de setembro de 2019 en Wayback Machine. (en castelán)