Ramón Campos
Ramón Campos Sáez, nado en Noia en 1975, é un guionista e produtor audiovisual galego.
| Biografía | |
|---|---|
| Nacemento | 1975  (48/49 anos)Noia, España |
| Datos persoais | |
| País de nacionalidade | España |
| Educación | Universidade de Navarra |
| Actividade | |
| Ocupación | guionista , produtor de televisión , director de televisión |
| Lingua | Lingua castelá |
 | |
Traxectoria editar
Estudante de Comunicación audiovisual na Universidade de Navarra, iniciouse profesionalmente en teleseries da canle autonómica vasca ETB. Foi analista de guións para Continental Producciones. Despois de Galicia Exprés e Entre bateas colaborou durante tres anos con Filmanova (2000-2002).
Compaxinou o seu labor na escritura coa impartición de cursos de guión nos masters de produción audiovisual e de creación dixital da Universidade da Coruña. Coguionizou o telefilme "Diario dun skin" e no período 2004-07 dirixiu o departamento de desenvolvemento de Voz Audiovisual, onde creou series como A vida por diante e Padre Casares, e programas musicais como Son de estrelas e Buscando estrelas.
En 2007 é o produtor executivo da serie de TVE Desaparecida, e posteriormente funda xunto a Teresa Fernández Valdés a empresa Bambú Producciones. Na dirección desta compañía produce as series "Guante Blanco" e "Gran Reserva" tamén da TVE, "Hispania" para Antena 3 e os documentais Fraga y Fidel sin embargo, e American Greyhounds.
É tamén profesor na Universidade da Coruña.[1]
Notas editar
- ↑ "Ramón Campos, Gallego del Mes". www.elcorreogallego.es (en castelán). Consultado o 2023-05-03.