Ramón Campos Durán

político español

Ramón Campos Durán, nado na Estrada en 1930 e finado en Santiago de Compostela o 8 de decembro de 2019, foi un político galego. Foi alcalde da Estrada dende o ano 1992 ata o 2007.

Ramón Campos Durán
Nacemento1930
 A Estrada
Falecemento8 de decembro de 2019
 Santiago de Compostela
NacionalidadeEspaña
Ocupaciónpolítico
editar datos en Wikidata ]

TraxectoriaEditar

Funcionario da Seguridade Social e empresario. Nos anos sesenta foi tenente de alcalde na corporacións que presidiu Mario Blanco Fuentes. Na democracia militou no Partido Popular ata as eleccións de 1991. Produciuse daquela unha división interna no grupo local do PPdeG, que deu como resultado que Elvira Fernández Díaz fose alcaldable polo PP e Ramón Campos organizase o seu propio partido chamado Agrupación Independiente de A Estrada.[Cómpre referencia] Tras as eleccións, Ramón Campos e a súa formación política formaron parte dun tripartito conxuntamente co BNG e o PSdeG-PSOE.[Cómpre referencia] Este tripartito durou menos dun ano, debido a que existiron negociacións entre o PP e a formación de Ramón Campos para acadar a alcaldía, que deron como resultado o abandono da política local de Elvira Fernández Díaz para converterse en senadora polo PP, namentres que Ramón Campos acadaría a alcaldía estradense.[Cómpre referencia] Dende entón, e ate as eleccións de 2007, conseguiu maiorías absolutas que o perpetuaron no cargo.

Chegado o 2007 anunciou a súa retirada da vida política, provocando a escisión do partido. Por unha banda Xosé Manuel Reboredo Baños, ex-concelleiro do PP que se uniu á CIDEGA (Cidadáns de Galicia). Por outra, a liña oficial do PP onde Ramón Campos non conseguiu impoñer no partido ao seu delfín José Antonio Maceira Besteiro.[Cómpre referencia] Coa intervención de Xesús Palmou decidiron que o seu sucesor fose Miguel de la Calle Amaro.[Cómpre referencia] Naquel ano de 2007 Ramón Campos participou activamente dentro da campaña electoral local do PP e tras dos malos resultados cursou a baixa do partido.


Predecesor:
Jesús Tallón Maceira
  
Alcalde da Estrada
 
1992 - 2007
Sucesor:
José Antonio Dono

Véxase taménEditar

Outros artigosEditar