Provincia de Buxoro
Coordenadas: 40°10′N 63°40′L / 40.167, -63.667
A provincia de Bukhara, provincia de Buxara ou provincia de Buxoro (en uzbeko Бухоро вилояти, Buxoro viloyati) é unha división administrativa (viloyati) de Uzbekistán, que se atopa no suroeste do territorio uzbeko, con capital na cidade de Bukhara.
| Capital: | Bukhara |
|---|---|
| Superficie: | 39.400 km² |
| Poboación: | |
| - Total | 1.384.700 (2005) |
| - Densidade: | 35,14 hab./km²; |
| Gobernador: | Samoydin Husenov |
| Fuso horario: | GMT+5 |
| Xentilicio: | |
| ISO 3166-2: | UZ-BU |
| Sitio Web: | www.bukhara.gov.uz |
| Mapa | |
 | |
XeografíaEditar
A provincia de Bukhara cobre unha superficie de 39.400 km², e atópase no suroeste de Uzbekistán. Fai fronteira con Turkmenistán polo suroeste, así como coa provincia de Navoi polo leste, Jizzakh polo sueste, Corasmia polo noroeste e a República de Karakalpaquistán polo noroeste. O deserto de Kyzyl Kum ocupa gran parte do seu territorio.
O territorio da provincia é rico en depósitos de gas natural e petróleo. Do seu solo extráese ademais grafito, mármore, granito, xeso, xofre, cal, así como outros materiais usados para a manufactura de materiais de construción.
DemografíaEditar
A poboación da provincia de Bukhara é de 1.534.900 habitantes, dos cales o 68% vive en áreas rurais, e o 32% en áreas urbanas. Na provincia conviven uzbekos e taxicos, sendo estes últimos maioría na poboación. A convivencia de ambos grupos étnicos na provincia foi pacífica, en contraste co Val de Fergana, onde se rexistraron conflitos étnicos e sociais. As comunidades, que adoitan ser na súa maioría mixtas, saben ser bilingües, fálase tanto o persa como o uzbeko, e incluso é fenómeno común a mestizaxe. Ambos grupos exhiben unha cultura en común e unha organización económica similar. É común a expresión na provincia de "un pobo con dous idiomas".
EconomíaEditar
A industria enerxética é de fundamental importancia na economía da provincia. Existen importantes depósitos petrolíferos como os de Kandim, Okkum e Parsonkul, dos cales se calculan 10 millóns de toneladas de reservas de petróleo e 220 mil millóns de metros cúbicos de gas natural.
Outra industria importante é a do téxtil, a cal xira arredor do algodón e a seda. Tamén a provincia se caracteriza pola produción de artesanías tradicionais uzbekas, das cales destacan os cerámicos e o bordados con ouro.
A produción agrícola baséase no algodón e o trigo, mentres que a gandaría se centra no gando ovino de Astrakhán e na crianza do verme da seda.