Bukhara

Bukhara, Bucara, Buxara ou Buxoro (en lingua uzbeka Buxoro, en alfabeto cirílico Бухоро) é a quinta cidade máis poboada do Uzbekistán e a capital da provincia de Buhkara (Bukhoro viloyati).

Centro histórico de Bukhara
vista da cidade
Patrimonio da Humanidade - UNESCO
País	Uzbekistán
Localización
Tipo	Cultural
Criterios	II, IV, VI
Inscrición	1993 (17ª sesión)
Rexión da UNESCO	Asia e o Pacífico
Identificador	602

O palacio do emir de Bukhara.

Tiña unha poboación de 237.900 habitantes (censo de 1999), maioritariamente taxicos de lingua persa.

Bukhara e Samarcanda son os dous principais centros da cultura e a historia taxico-persa.

Durante o período soviético, estes dous centros taxicos foron anexionados á República Socialista Soviética de Uzbekistán, en contra da vontade dos taxicos da Asia Central.

En 1993 o seu centro foi declarado Patrimonio Cultural da Humanidade pola Unesco.

Algunhas personalidades relacionadas con Bukhara son:

• Imán Al-Bukharí, erudito musulmán persa, que recompilou milleiros de Hadices, que naceu nesta cidade en 810 d.C.
• Avicena, filósofo persa, que naceu nunha pequena vila próxima a Bukhara, e foi nesta cidade na que estudou no século X.
• Zamakhsharí, teólogo persa, que estudou nesta cidade a finais do século XI.
• Nicolau e Matteo Polo, pai e tio de Marco Polo, que viviron algúns anos nesta cidade contra 1260.
• Ulugh Beg, rexente timúrida e astrónomo, que colaborou na construción da madraza de Bukhara.

Véxase tamén

Outros artigos

• Uzbekistán
• Provincia de Bukhara
• Khanato de Bukhara

Ligazóns externas

• Through the Lens—the Silk Road Then and Now - Un século de cambios capturado en fotos dun fabuloso oasis de Asia Central.
• Forbes, Andrew, & Henley, David: Timur's Legacy: The Architecture of Bukhara and Samarkand (CPA Media).
• UNESCO World Heritage list: Historic Centre of Bukhara
• Audio interview with Bukhara resident about life in Bukhara