Lei e Xustiza
Lei e Xustiza (
pronunciación (axuda · info) en polaco: Prawo i Sprawiedliwość, PiS) é un dos principais partidos políticos de Polonia, de ideoloxía católica, conservadora e de dereitas. Ostentou o goberno de Polonia durante a lexislatura de 2005 a 2007.
| Lei e Xustiza | |
|---|---|
.jpg) | |
 | |
| Tipo | partido político |
| Ideoloxía | conservadorismo nacionalista, conservadorismo social, Euroescepticismo, nacionalismo econômico, populismo de direita, Nacionalismo polaco, Anticomunismo, Solidarismo, estadismo e direita cristã |
| Data de fundación | 13 de xuño de 2001 |
| Fundador(es) | Lech Kaczyński, Jaroslaw Kaczynski e Ludwik Dorn |
| Presidente/a | Jaroslaw Kaczynski (2003-)  |
| Nº de membros | 45.000 (2021) |
| Sede | Varsovia e 84 Nowogrodzka Street in Warsaw |
| País | Polonia |
| Na rede | |
| http://www.pis.org.pl | |
     | |
| [ editar datos en Wikidata ] | |
.jpg)
A maior parte dos seus membros fórono tamén de AWS (Acción Electoral Solidariedade - Akcja Wyborcza Solidarność). O partido PiS fundárono os xemelgos Jarosław e Lech Kaczyński, os cales ostentaron durante a lexislatura 2005-2007 de maneira simultánea os cargos de primeiro ministro e presidente da República respectivamente.
Nas eleccións xerais de 2001, o PiS obtivo un 9,5% e 44 escanos no Sejm (a cámara baixa do parlamento polaco, composta por 460 deputados). Nas eleccións de 2005 foi o partido máis votado cun 26,99% dos votos, 155 escanos e 49 representantes no Senado (sobre un total de 100), formando un goberno de coalición canda a Autodefensa da República de Polonia e a Liga das Familias Polacas. No 2007 e tras dous anos de goberno na que foi a lexislatura máis curta da historia democrática de Polonia, o goberno estivo forzado a convocar eleccións anticipadas despois de perder o apoio de Autodefensa cando o Primeiro ministro Jarosław Kaczyński destituíu ao viceprimeiro ministro e titular de Agricultura Andrzej Lepper por presuntos casos de corrupción. Nas eleccións anticipadas de 2007, o PiS perdeu fronte ao partido Plataforma Cívica de Donald Tusk. Os seus socios de goberno, a Liga e a Autodefensa, perderon a representación parlamentaria.
Escisións editar
En xaneiro do 2010, Jerzy Polaczek liderou unha fracción que se escindiu para formar Polonia Plus. Os seus sete membros do Sejm procedían da ala centrista e liberal do partido. O 24 de setembro do mesmo ano o grupo disolveuse e a maioría dos seus membros volveron a Lei e Xustiza, incluído o propio Polaczek.
O 16 de novembro do 2010, os parlamentarios Joanna Kluzik-Rostkowska, Elzbieta Jakubiak e Pawel Poncyljusz, conxuntamente cos membros do Parlamento Europeo Adam Bielan e Michał Kamiński, formaron unha nova agrupación política, Polonia é o máis importante (Polska jest Najważniejsza).