Porto deportivo de Pontevedra

Coordenadas: 42°26′09″N 08°39′00″O / 42.43583, -8.65000

Porto deportivo de Pontevedra, visto desde a Ponte da Barca.

O Porto deportivo de Pontevedra encóntrase na foz do río Lérez, na súa desembocadura na ría de Pontevedra. A súa carta náutica é 4162-IHM. Está xestionado polo Club Naval de Pontevedra, por concesión do ente público de Portos de Galicia–Zona Sur.

CaracterísticasEditar

 
Vista do porto coa marea baixa en época de mareas vivas, pódense observar os problemas actuais de calado.

É un porto moi seguro situado en pleno centro da cidade de Pontevedra. A súa posición no fondo da ría, defendida polas barreiras areosas dos ataques por mar, marcou historicamente a cidade e a súa poboación.

Malia ter a canle dragada, o seu acceso vese limitado pola falta de calado (2 metros en baixamar escorada) e pola presenza da ponte da Barca, que non permite o paso a veleiros con máis de 12 metros de altura.

Por terra pódese acceder desde a autoestrada AP-9, saíndo no acceso norte a Pontevedra, ou pola estrada N-550, que pasa a carón do porto.

Entre os seus servizos conta con luz e auga no amarre, peirao de espera, duchas e baño, vixilancia, iluminación nocturna, teléfono público, radio (VHF 9), club de vela, servizo MARPOL (recollida de aceites), recollida de lixo, taxi, ximnasio, combustible diésel e sen chumbo, e guindastre.

Actualmente hai un proxecto de urxencia para realizar un dragado da zona por mor da impresionante perda de calado que leva sufrindo nos últimos anos[1].

NotasEditar

  1. "Así será a dragaxe do Lérez", artigo en Pontevedra Viva, 15 de xaneiro de 2017.

Véxase taménEditar