Abrir o menú principal

Porta do Atlántico

escultura en Vigo

A Porta do Atlántico é un monumento obra do artista ponteareán Silverio Rivas de 1990 situado no barrio das Travesas da cidade de Vigo.

Porta do Atlántico
Porta do Atlántico.jpg
ArtistaSilverio Rivas
Data1990
TécnicaEscultura en granito
Dimensións1400 cm ×  cm

Componse de tres elementos que proceden dun mesmo bloque de granito rosa do Porriño. As pezas foron deseñadas, cortadas e tratadas nunha canteira do Porriño. A parte principal e máis recoñecíbel é unha gran porta de 14 metros de altura e 427 toneladas que fica nun grande encoro circular no medio e medio da praza de América, por riba dun paso subterráneo que comunica as avenidas de Castelao, López Mora e Gran Vía. O encoro, en realidade unha gran fonte con chafarices centrais, reborda a tona da auga nun circuíto pechado. Arrodéase de dous socalcos de paralelepípedos de granito rosa. A comezos do século XXI instaláronse na fonte algúns grupos de flores para que non fose tan fría a imaxe da obra. A porta consta de dúas xambas e un gran lintel. Das xambas, cara o van, penduran dúas pezas que representarían Europa e as Américas.

A segunda parte é un bloque que fica no comezo da Gran Vía, e a última un bloque ao principio da avenida de Castelao.[1]

Anteriormente no centro da praza só había un farol con varios brazos. A instalación da obra levouse a cabo en 1990, cando se construíu o paso inferior para liberar o tráfico das Travesas.

No mes de maio do ano 2019, os arredores do monumento sufren un importante cambio. A superficie da fonte é substituída en parte por unha zona peonil con pequenas fontes a arboriñas (oliveiras e pradairos). Ás noites proxectarase un espectáculo de luz e son.[2]

A Praza de América nas Travesas de Vigo coa Porta do Atlántico no medio e medio e o Instituto Santa Irene ao fondo.

SignificadoEditar

Trátase dunha homenaxe aos emigrantes galegos que saíron de Vigo cara as Américas nos buques durante os século XIX e XX, por iso a mesma cidade é denominada a porta do Atlántico. Hoxe é un dos monumentos máis coñecidos da cidade. É un bo exemplo de sinxeleza do concepto e da plasticidade tallado directamente en granito.[3]

 
Folga Xeral do 14 de novembro de 2012 na Praza de América, co monumento no fondo.

Celebracións do Celta e outros eventosEditar

Na praza de América celébranse importantes actos. O encoro da Porta do Atlántico é a fonte escollida pola afección do Real Club Celta de Vigo para celebrar as vitorias do seu equipo, e na mesma praza instálase unha gran verbena ao ar libre na Noitevella.

NotasEditar