Polígrafo (autor)
Un autor polígrafo (do grego antigo πολυγράφος: poly: moitas e graphos: escrituras) é unha persoa que escribe sobre materias diversas.[1]
![](http://upload.wikimedia.org/wikipedia/commons/thumb/f/fc/Denis_Diderot_by_Louis-Michel_van_Loo.jpg/220px-Denis_Diderot_by_Louis-Michel_van_Loo.jpg)
Na literatura
editarO termo polígrafo aplícase a certos escritores da antigüidade clásica, como Aristóteles e Plutarco entre os gregos e Cicerón e Plinio o Vello entre os romanos. Voltaire e o enciclopedista Diderot son dous exemplos de polígrafos modernos.[2]
Autores polígrafos
editarOutros exemplos de autores polígrafos son:
- Da antigüidade: Suetonio ou Tolomeo.
- Da idade media: Al Biruni, Abu Nuwas, Isidoro de Sevilla ou Miguel Pselo.
- Da época moderna: Johannes Trithemius, Johann Wolfgang von Goethe ou Athanasius Kircher.
- Da época contemporánea: Rasmus Rask, Arthur Conan Doyle, Joaquín Costa ou Andrés Martínez Salazar.
Entre os galegos pódese citar a José Cornide Saavedra (1734-1803), Antonio Neira de Mosquera (1823-1854), Andrés Martínez Salazar (1846-1923), Arturo Vázquez Núñez (1852-1907), Antonio Couceiro Freijomil (1888-1955), Fermín Bouza-Brey (1901-1973), Xosé Filgueira Valverde (1906-1996) ou Isidoro Millán González-Pardo (1922- 2002).
Outros usos
editarO termo pode usarse en forma despectiva para referirse a alguén que escribe respecto a distintos asuntos sen ter os coñecementos suficientes.
Notas
editar- ↑ Definicións no Dicionario da Real Academia Galega e no Portal das Palabras para polígrafo.
- ↑ Encyclopédie Larousse du XXe siècle, París, 1932.