Joaquín Costa Martínez, nado en Monzón (provincia de Huesca) o 14 de setembro de 1846 e finado en Graus (Huesca) o 8 de febreiro de 1911, foi un político, xurista, economista e historiador aragonés. Foi o maior representante do movemento intelectual coñecido como Rexeneracionismo. As súas ideas de progreso tiñan como referente a modernización e europeización da sociedade e a economía española.

Joaquín Costa Martínez
Nacemento14 de setembro de 1846
Lugar de nacementoMonzón (provincia de Huesca) , Aragón Aragón
Falecemento8 de febreiro de 1911
Lugar de falecementoGraus (Huesca)
SoterradoMausoleum of Joaquín Costa
NacionalidadeEspaña Español
Alma máterUniversidade Central
Ocupaciónpolítico, xurista, economista e historiador
Coñecido porOligarchy and Caciquism
editar datos en Wikidata ]

Traxectoria editar

 
Selo da II República Española coa imaxe de Joaquín Costa.

Naceu dentro dunha familia campesiña modesta polo que tivo que estudar ó tempo que traballaba, estudou dereito e filosofía, exerceu como letrado en Cuenca e en Huesca, accedeu ó corpo de notarios exercendo en Granada e Xaén e posteriormente en Madrid, onde tamén foi profesor da Institución Libre de Enseñanza. En 1904, xa enfermo, retirouse á localidade de Graus para pasar os últimos anos da súa vida.