Pete Seeger
Peter Seeger, universalmente coñecido como Pete Seeger, nado en Nova York o 3 de maio de 1919 e falecido o 27 de xaneiro de 2014 en Beacon (estado de Nova York), foi un cantante folk norteamericano. Considerado un dos pioneiros da música folk e tamén da música protesta nos anos cincuenta e sesenta, pertenceu ós Almanac Singers e máis tarde ó cuarteto The Weavers, que conseguiu facer popular a música folk nos circuítos comerciais.
| Pete Seeger | |
|---|---|
.JPG) | |
| Nome completo | Peter Seeger |
| Nacemento | 3 de maio de 1919 |
| Nova York | |
| Falecemento | 27 de xaneiro de 2014 |
| Manhattan | |
| Nacionalidade | Estados Unidos de América |
| Relixión | Unitário-Universalismo |
| Alma máter | Universidade Harvard |
| Ocupación | cantante, artista de rua, intérprete de banxo, musicólogo, cantautor, guitarrista, activista pola paz e mandolinist |
| Cónxuxe | Toshi Seeger |
| Fillos | Mika Seeger |
| Coñecido/a por | Where Have All the Flowers Gone? |
| Premios | National Medal of Arts, Grammy á carreira artística, Letelier-Moffitt Human Rights Award, War Resisters League Peace Award, Library of Congress Living Legend, Premio Kennedy e Paul Robeson Award |
| [ editar datos en Wikidata ] | |
TraxectoriaEditar
Estudou xornalismo en Harvard e durante anos buscou nos arquivos e bibliotecas dos Estados Unidos cancións tradicionais, rescatándoas e creando novos temas baseados na música tradicional, ademais de seguir o camiño iniciado por xente como Woody Guthrie. Son cancións súas as xa míticas Where Have All the Flowers Gone?, "If I Had a Hammer" e "Turn, Turn, Turn", que foron gravadas por multitude de artistas, folk ou non. Membro do Partido Comunista dos Estados Unidos de América, compareceu diante o Comité de Actividades Antiamericanas e alí defendeuse acompañado polo seu banxo.