Pedro Guimarey
Pedro Guimarey Filgueiras, nado en Ferrol o 5 de xullo de 1905 e finado na mesma cidade o 20 de setembro de 1936, foi un escritor, xornalista e político galego.
| Biografía | |
|---|---|
| Nacemento | 5 de xullo de 1905  Ferrol, España |
| Morte | 20 de setembro de 1936 (31 anos) Ferrol, España |
| Datos persoais | |
| País de nacionalidade | España |
| Actividade | |
| Ocupación | xornalista , escritor , político |
| Lingua | Lingua castelá |
Traxectoria editar
Practicante de profesión, colaborou en El Practicante Galaico. Escritor e bibliotecario do Centro Obreiro de Cultura. En 1931 publicou algúns poemas en castelán na revista Vida Gallega, colaborou en El Gráfico, fíxose cargo do periódico Nueva infancia. Ensayo de periódico para niños e dirixiu o semanario Renovación. Foi presidente do Partido Republicano Democrático Federal de Ferrol (1933). En 1934 integrouse en Unión Republicana. Co golpe de Estado do 18 de xullo de 1936 foi detido e paseado en Ferrol o 20 de setembro de 1936.
Amais da súa vida cultural e política foi futbolista, chegando a militar no Racing Club de Ferrol na temporada 1924/25 aínda que sen disputar partidos de competición oficial co club verde.
Obras editar
- Pepa Andrea, Nós, 1933 (reimpresión: Concello de Ferrol, 2018)
- La Luminaria de Dios, 1934.
- Nidos de esclavos, 1935.
- Doña Tierra, estreada no Teatro Jofre en xuño de 1936[1].
Notas editar
- ↑ El Pueblo Gallego, 23 de xuño de 1936, p. 9.
Véxase tamén editar
Bibliografía editar
- Suárez, Xosé Manuel (2003). República e Guerra Civil en Ferrol. Ferrol. p. 15. ISBN 84-7492-489-8.
Ligazóns externas editar
- Pedro Guimarey na páxina web Nomes e Voces.
- Pedro Guimarey Filgueiras
- "Noticia de Pedro Guimarey, dramaturgo de éxito asasinado no 1936", artigo na revista dixital Biosbardia o 22 de abril de 2016.