Palau Sant Jordi

Palau Sant Jordi;
Tipo	pavillón deportivo
Localización
	41°21′48″N 2°09′09″L / 41.36339, 2.15256
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	Barcelona
Distrito	Sants-Montjuïc
Montaña	Montjuïc
Localización	Barcelona, España
Enderezo	Passeig Olímpic, 5-7, 08038 Barcelona
Datas
Fundación	21 de setembro de 1990
Inauguración	21 de setembro de 1990
Acontecementos
Dimensións
Capacidade	17 000 espectadores
Persoas e organizacións
Propietario	Concello de Barcelona
Arquitecto	Arata Isozaki e Mamoru Kawaguchi
Ocupante	FC Barcelona Bàsquet e Fútbol Club Barcelona
Patrimonio cultural
Ben integrante do patrimonio cultural catalán
Id. IPAC	40647
Deporte
Deporte	baloncesto
Localía	FC Barcelona (ACB) (1990-1992)
Contacto
Páxina WEB	palausantjordi.barcelona
Redes
	[ Wikidata ]

O Palau Sant Jordi (do catalán: Pazo de San Xurxo) é un recinto cuberto e multifuncional situado na montaña de Montjuïc, en Barcelona , construído con motivo dos Xogos Olímpicos de 1992. Está considerado a xoia do chamado "anel olímpico de Montjuïc", que tamén integran instalacións como o Estadio Olímpico Lluís Companys, a Piscina de Saltos de Montjuïc ou as Piscinas Bernat Picornell.

É a instalación olímpica máis utilizada de Barcelona, xa que acolle todo tipo de acontecementos deportivos, espectáculos musicais e teatrais e encontros sociais. Para acontecementos deportivos ten unha capacidade de 16.670 espectadores sentados (habilitando bancadas no fondo sur, que normalmente carece delas)/delas), mentres que para concertos ten unha capacidade máxima superior aos 24.000 espectadores, aínda que as últimas ordenanzas municipais restrinxen as licenzas de uso a un máximo de 17.960 espectadores.

Historia

Deseñado polo arquitecto xaponés Arata Isozaki, foi inaugurado o 21 de setembro de 1990, dous anos antes da celebración dos Xogos Olímpicos de Barcelona. Está considerado unha obra mestra da arquitectura e a enxeñaría moderna. A súa estrutura e materiais mecanizados confírenlle unha gran flexibilidade que permite adaptar o recinto para acoller os máis variados acontecementos. O Palau Sant Jordi foi o principal pavillón cuberto dos Xogos Olímpicos de Barcelona 1992, acollendo a competición de ximnasia artística así como as finais de balonmán e voleibol.

O Palau Sant Jordi acolle regularmente espectáculos deportivos de todo tipo; tenis coas dúas finais de Copa Davis de 2000 e 2009; baloncesto coa celebración de dúas finais de Euroliga (1998 e 2003) e o Eurobasket en 1997; exhibicións de motocros e trial; así como deportes non habituais de practicar en recintos non especializados como o windsurf ou a natación (con motivo do Campionato Mundial de Natación de 2003, celebrado en Barcelona, instalouse unha piscina regulamentaria de 50x25 metros onde se disputaron as principais probas dos campionatos).

Véxase tamén

Ligazóns externas

Sitio web oficial