Pablo Carpintero Arias

artesan, músico e musicólogo galego

Pablo Carpintero Arias, nado en Castro (Carballedo) o 20 de abril de 1969, é un músico, artesán[1] e investigador galego.[2] É doutor en Ciencias pola Universidade de Santiago de Compostela onde foi profesor de bioquímica. É membro directivo da Asociación de Gaiteiros Galegos e dirixe dous grupos de recuperación de tradicións musicais galegas: A Requinta de Xián e o Obradoiro de Cultura Tradicional Ultreia.[3]

Pablo Carpintero
Carpintero en 2009.
Nome completoPablo Carpintero Arias
Data nacemento20 de abril de 1969
Castro (Carballedo)
Nado enCarballedo
OcupaciónMúsico, artesán
XéneroMúsica tradicional galega
Instrumento(s)Gaita
Tempo en activo1990 — presente
Na rede
https://pablocarpintero.es/
Facebook: pablo.carpintero.37 Youtube: UCm3XpXgNUStILc2R9m5XOag Editar o valor em Wikidata
editar datos en Wikidata ]
Carpintero medindo gaitas en Lugo, abril 2014

O seu traballo como investigador abrangue principalmente a evolución da morfoloxía e repertorio da gaita de fol e na súa contextualización social e histórica, así como o estudo dos diversos instrumentos musicais tradicionais galegos, temas sobre os que ten varios libros publicados.[3] En 2009 recibiu o premio Antón Losada Diéguez de investigación e ensaio polo seu libro Os instrumentos musicais na tradición galega[4]. Recibiu tamén o premio Marqués de Lozoya 2013 polo seu traballo de investigación sobre a requinta da Ulla (frauta traveseira tradicional).

Forma parte da galería de personaxes ilustres de Carballedo.[5]

Traxectoria Editar

Estudou bioloxía na Universidade de Santiago de Compostela, onde se doutorou en ciencias. Traballou como investigador no Instituto de Ortopedia e Banco de Tecidos Musculoesqueléticos da USC. Dende 2003 e durante catro anos foi profesor de bioquímica no departamento de Bioquímica e Bioloxía Molecular da USC.

 
Reprodución da gaita que aparece na Cantiga 350 de Afonso X O Sabio, feita por Pablo Carpintero

Comezou a toca-la gaita de fol ós oito anos e con dezaoito fundou a Banda de Gaitas da Asociación Cultural Val do Asma de Chantada e o grupo Folerpas de Chantada. No ano 1990 ingresou na agrupación Cantigas e Agarimos. Uns anos máis tarde ingresou na agrupación Obradoiro de Cultura Tradicional Ultreia, de Santiago de Compostela, da que foi director durante varios anos. En 1999 formou un grupo de requinteiros, máis tarde coñecido como A requinta de Xian, editando o seu primeiro disco no ano 2003. Impartiu clases como profesor de gaita de fol en diversas asociacións e escolas: Escola Municipal de Gaita do Concello de Santa Comba, grupo de gaitas do Centro Cultural Rosalía de Castro de Cacheiras, grupo de requinteiros A Requinta de Xián e a sección instrumental do Obradoiro de Cultura Tradicional Ultreia[6]. A partir de 2003 colabora no programa da Radio Galega Lume na Palleira, levando a cabo unha sección especialmente dedicada á música tradicional galega: "O Recuncho da Palleta". Ó longo de 2004 participou no programa matinal de Xusto Carril, realizando unha sección dedicada ó canto tradicional. En 2005 entrou a formar parte da directiva da Asociación de Gaiteiros Galegos, onde desenvolven un proxecto de posta en valor e difusión do folclore musical.[7]

Entre 2006 e 2010 traballou no proxecto Ronsel[8] da Universidade de Vigo para a recuperación do Patrimonio Cultural Inmaterial de Galicia e desde 2010 é consultor da UNESCO, sendo unha das persoas que avaliou a inclusión das candidaturas nas listas de Patrimonio Cultural Inmaterial da Humanidade entre 2010 e 2013.

Discografía Editar

Solista Editar

  • Os nosos gaiteiros. Pablo Carpintero

Co Obradoiro de Cultura Tradicional Ultreia Editar

  • Andando camiño (1998)
  • Eiquí..., acolá (2001)

A Requinta de Xián Editar

  • Os nosos gaiteiros. A Requinta de Xián (2002)
  • Feita en Riobó

Manseliña (con Tin Novio e María Jiménez) Editar

  • Maria Pérez se maenfestou. Cantigas de escarnio a María Balteira (2021).

Publicacións Editar

Libros Editar

  • Carpintero Arias, Pablo (2009). Os instrumentos musicais na tradición galega. Ourense: Difusora de letras, artes e ideas, SL. ISBN 978-84-937421-5-7. 
  • Carpintero Arias, Pablo; Quintana López, Pablo; Carballo Penelas, Daniel. Desiderio Sampayo Rico. Siderio de Vilarmide. Canela Producións Editorial Etnográfica SL. ISBN 978-84-606-7403-0. 
  • Carpintero Arias, Pablo; Castro Vicente, Cástor. Os sons da Limia. Difusora de Letras, Artes e Ideas. ISBN 978-84-937090-3-7. 
  • Carpintero Arias, Pablo (coord.); Xil Xardón, Xavier; Area Carracedo, Iván Carlos (coord.). Contos de ida e volta. Difusora de Letras, Artes e Ideas. ISBN 978-84-935963-8-5. 
  • Carpintero Arias, Pablo; Area Carracedo, Iván Carlos; Costas González, Xosé Enrique. Instrumentos tradicionais galegos. Unha selección natural. Difusora de Letras, Artes e Ideas. ISBN 978-84-937421-1-9. 

Premios Editar

Colaboracións Editar

Televisión Editar

Radio Editar

Galería de imaxes Editar

 
Reprodución elaborada por Pablo Carpintero Arias
Reprodución elaborada por Pablo Carpintero Arias 
 
Reprodución dunha gaita de Ponte da Barca (Portugal)
Reprodución dunha gaita de Ponte da Barca (Portugal) 
 
De Ronquillo, de Perfecto Feijoo, feita por Manuel Villanueva de Poio. Reprodución de Pablo Carpintero
De Ronquillo, de Perfecto Feijoo, feita por Manuel Villanueva de Poio. Reprodución de Pablo Carpintero 
 
Gaita de Xan de Campañó (Pontevedra). Reprodución feita por Pablo Carpintero Arias
Gaita de Xan de Campañó (Pontevedra). Reprodución feita por Pablo Carpintero Arias 
 
Gaita Eo-Naviega (Grandas de Salime, Asturias). Reprodución feita por Pablo Carpintero Arias
Gaita Eo-Naviega (Grandas de Salime, Asturias). Reprodución feita por Pablo Carpintero Arias 
 
Pandeireta tradicional construída por Pablo Carpintero Arias
Pandeireta tradicional construída por Pablo Carpintero Arias 

Notas Editar

  1. "La gaita de las Cantigas de Santa María que se hizo realidad". La Voz de Galicia (en castelán). 2015-06-18. Consultado o 2016-12-04. 
  2. "Ficha na Editorial canela producións". Arquivado dende o orixinal o 14 de novembro de 2016. Consultado o 10 de novembro de 2016. 
  3. 3,0 3,1 "Os Instrumentos Musicais na Tradición Galega » Pablo Carpintero Arias". www.consellodacultura.gal. Consultado o 2016-12-04. 
  4. "Os Instrumentos Musicais na Tradición Galega » Acerca de". www.consellodacultura.gal. Consultado o 2016-12-04. 
  5. "Personaxes Ilustres". www.concellocarballedo.es. Consultado o 2019-01-25. 
  6. "Obradoiro de cultura tradicional Ultreia". www.gulans.com. Arquivado dende o orixinal o 20 de decembro de 2016. Consultado o 2016-12-04. 
  7. "Pablo Carpintero Arias | Galegos | Gallegos". galegos.galiciadigital.com. Consultado o 2016-12-04. 
  8. Administrator. "Portal do Patrimonio Cultural Inmaterial de Galicia - Portal do Patrimonio Cultural Inmaterial de Galicia". ronsel.uvigo.es. Arquivado dende o orixinal o 20 de decembro de 2016. Consultado o 2016-12-04. 

Véxase tamén Editar

Ligazóns externas Editar