Newlands Stadium
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
O estadio de Newlands é un recinto deportivo adicado ó rugby sito en Cidade do Cabo, Suráfrica, con capacidade para 51 900 seareiros. O estadio inaugurouse en 1890 e acolleu os encontros dos equipos locais Western Province e Stormers até a súa clausura en 2020. Foi ademais un dos estadios máis empregados pola selección nacional de rugby, os Springboks.
| Newlands Stadium | |
|---|---|
 Encontro dos Stormers en Newlands. | |
| Coordenadas | 33°58′13″S 18°28′06″L / -33.970298, 18.468448Coordenadas: 33°58′13″S 18°28′06″L / -33.970298, 18.468448 |
| [ editar datos en Wikidata ] | |
Historia
editarA decisión de comprar os terreos nos que foi construído o estadio foi tomada pola Western Province Rugby Football Union en 1888. O primeiro encontro oficial en Newlands tivo lugar o 31 de maio de 1890 cando Stellenbosch derrotou a Villagers diante dunhas 2400 persoas. Ó ano seguinte o estadio acolleu a seu primeiro encontro internacional cando os British and Irish Lions visitaron Suráfrica.
En 1919 fixéronse as primeiras bancadas de formigón. Despois, en 1927, construíuse a nova tribuna principal e a dirección do terreo de xogo foi cambiada nun sentido norte-sur. Outros cambios chegaron en 1931 cando a bancada sur foi ampliada.
Na década de 1950 houbo ampliacións, e novamente na década de 1970, cando o cuartel xeral da federación de rugby de Suráfrica (SA Rugby) foi trasladada ó estadio. Na década de 1980 demoleuse a tribuna sur e construíuse unha nova tribuna bautizada como tribuna Danie Craven. A capacidade do recinto aumentou en 10 253 asentos.
Entre 1990 e 1995 o estadio estivo en renovación constante, engadindo tecnoloxía, aumentando capacidade e mellorando as instalacións, como parte dun plan de remodelación en 3 fases con vistas á Copa do Mundo de Rugby de 1995, na que Newlands acolleu o encontro inaugural do torneo.
Trala Copa do Mundo, continuaron os proxectos de remodelación e ampliación do estadio para facelo máis moderno e aumentar a súa capacidade.
Copa do Mundo de Rugby 1995
editarEn 1995 o estadio foi un dos recintos que acolleron a Copa do Mundo de Rugby organizada por Suráfrica. O estadio acolleu dous encontros da fase de grupos, unha eliminatoria de cuartos de final na que Inglaterra derrotou a Australia por 25 a 22, e unha da semifinais na que Nova Zelandia eliminou a Inglaterra por 45 a 29.
| Data | Equipo #1 | Resultado | Equipo #2 | Rolda | Asistencia |
|---|---|---|---|---|---|
| 25 maio 1995 | 27–18 | Grupo A | 51 000 | ||
| 30 maio 1995 | 21–8 | Grupo A | 45 000 | ||
| 11 xuño 1995 | 25–22 | Cuartos de final | 35 448 | ||
| 18 xuño 1995 | 29–45 | Semifinais | 51 000 |
Futuro
editarEn 2009 inaugurouse o Cape Town Stadium cunha capacidade para 58 000 seareiros que acolleu oito encontros do Mundial de Fútbol de 2010. Os donos do estadio de Newlands comezaron a propoñer a posibilidade de que os equipos de rugby locais se mudasen ó novo estadio, e que Newlands fose vendido.
En 2020 confirmouse que o estadio sería vendido e demolido para edificar vivendas. O último encontro dos Springboks en Newlands tivo lugar o 23 de xuño de 2018, e o último encontro dos Stormers o 29 de febreiro de 2020. A venda do estadio atrasouse cando un grupo de antigos xogadores de rugby liderados polo exSpringbok Wynand Claasen entregaron unha petición para que o recinto fose declarado sitio de patrimonio. O proceso segue en marcha.