Selección de rugby de Australia

A Selección de rugby de Australia representa a Australia en rugby. O equipo é alcumado como os Wallabies e compite anualmente con Nova Zelandia e Suráfrica no torneo das Tres Nacións, no cal tamén compite pola Bledisloe Cup con Nova Zelandia e pola Mandela Challenge Plate cos surafricanos. Actualmente ocupa o terceiro posto na clasificación mundial da IRB[1].

Australia
Escudo de camisola/Emblema da asociación
Alcume(s)Wallabies
EmblemaUalabí
UniónRugby Australia
AdestradorDave Rennie
CapitánMichael Hooper
Mais capsGeorge Gregan (139)
Máis ensaiosDavid Campese (64)
Casa
Fóra
Ranking World Rugby
Actual6 (2 de decembro de 2019)
Máximo2 (2004)
Mínimo7 (2018)
Estrea internacional
Australia Flag of the United Kingdom.svg 13−3 Lions Illas Británicas
Sydney, Australia; 24 de xuño de 1899
Maior vitoria
Australia Australia 142−0 Namibia Namibia
Adelaida, Australia; 23 de outubro de 2003
Maior derrota
Suráfrica Flag of South Africa.svg 53−8 Australia Australia
Xohanesburgo, Suráfrica; 30 de agosto de 2008
Copa do Mundo
Participacións9 (primeira en 1987)
Mellor resultado1º (1991, 1999)

Australia ten competido en tódalas seis edicións que se levan disputado até o momento da Copa do Mundo de Rugby, sendo até o momento o equipo con máis éxito da competición, tras gañar o Campionato en dúas ocasións: en 1991 gañando a final contra Inglaterra e en 1999 contra Francia, chegando ademais á final en 2003, perdendo na prórroga contra os ingleses[2]. O rugby en Australia está controlado pola Australian Rugby Union (ARU). Sete antigos Wallabies forman parte do Salón da Fama internacional do rugby (IRHOF), sendo un deles, John Eales, incluído IRB Hall of Fame.

Os símbolosEditar

EquipamentoEditar

 
Equipamento

Os Wallabies xogan coas cores tradicionais tódolos equipos de Australia, verde e dourado. Antes que se utilizase esta camisola, o equipo xogaba coas cores do estado no que xogaban[3], ademais o escudo de armas australiano era replanzado polo logo do estado no xersei, toda esa variedade de cores foi utilizada nun gran número de encontros até aproximadamente o 1900[3].

En 1928 os corpos gobernantes acordaron que "as cores representativas de Australia verde e amarela, deben ser adoptadas"[3]. O ano seguinte os All Blacks foron a Australia, e o xersei que levaron foi verde esmeralda co escudo de Australia con medias con calcetíns verdes con barras na parte de arriba[3]. Este mesmo xersei foi utilizado con pequenas variacións durante os anos 30[3]. En 1961 na xira por Suráfrica, para non confundir ás cores da súa camisola coas dos locais, cambiaron a cor das súas camisolas polo dourado, cor que permaneceu até hoxe en día[3].

O deseño de Canterbury para Australia da camisola no mundial de 2007 foi moi controvertido, xa que tiña unha franxas horizontais ao longo do peito que lembraban á forma dun sostén[4]. Isto levou a un columnista especializado en rugby do Sydney Morning Herald a publicar unha satírica columna comparando a camisola co sostén para homes que ideara o personaxe de Kramer na serie americana Seinfeld[5].

En 2009, os Wallabies levarán unha nova camisola elaborada pola multinacional deportiva Nike. O xersei está actualmente en deseño, pero os informes iniciais suxiren que levará máis dourado que nas últimas camisolas e eliminará as franxas de cor verde.

O wallabyEditar

O alcume "Wallabies" é en referencia a marsupial ualabí, que se atopa amplamente distribuído por toda Australia. O nome ten as súas orixes na primeira xira polo Reino Unido e América do Norte en 1908. Nova Zelandia viña de rematar a súa xira e toda a prensa inglesa os chamaba "os All Blacks". Isto levou á prensa australiana a pensar que eles tamén deberían ter a súa propia nomeada. Os Rabbits (coellos) parece ser que foi un dos nomes suxeridos, aínda que foi amplamente rexeitado xa que non querían chamar ao seu equipo como unha praga importada[6]. Finalmente optaron polo nativo ualabí no seu lugar, nome polo que se coñece actualmente á selección en todo o mundo.

RexistrosEditar

Copa do Mundo de RugbyEditar

Participacións de Australia na Copa do Mundo.

Edición Organizador Posto
1987   Nova Zelandia e   Australia Cuarto
1991   Inglaterra[7] Campión
1995   Suráfrica 1/4 Finalista
1999   País de Gales[8] Campión
2003   Australia Segundo
2007   Francia[9] 1/4 Finalista
2011   Nova Zelandia Terceiro
2015   Inglaterra[10] -

The Rugby ChampionshipEditar

   
Arxentina
 
Australia
 
Nova Zelandia
 
Suráfrica
Torneos 4 20 20 20
Vitorias 0 4 13 3
Partidos xogados 21 93 93 93
Gañados 2 39 68 38
Empatados 1 2 1 2
Perdidos 18 52 24 53

Rexistros de xogadoresEditar

Máis partidos coa selecciónEditar

 
Stirling Mortlock

A seguinte listaxe recolle os rexistros máis notábeis de partidos xogados coa selección australiana[11]. A lista inclúe xogadores dos últimos 25 anos, é preciso sinalar que unha clasificación por número de selección non depende só da calidade do xogador senón só do número de partido disputados internacionalmente. Co nacemento da copa do mundo en 1987 a periodicidade dos partidos variou de xeito destacábel. George Gregan é 139 o xogador con máis partidos internacionais de rugby do mundo de tódolos tempos. En letra grosa xogadores que seguen en activo na selección de Australia.

  1. George Gregan - 139
  2. Nathan Sharpe - 116
  3. George Smith - 111
  4. Adam Ashley-Cooper - 108
  5. Stephen Larkham - 102

Máis ensaiosEditar

 
Australia

David Campese é o xogador que conseguiu máis ensaios coa selección de Australia[11], o xogador, hoxe retirado, ocupa o segundo posto na clasificación de número ensaios da historia coas súas seleccións nacionais, só superado polo xaponés Daisuke Ohata, con 67 ensaios.

  1. David Campese - 64
  2. Adam Ashley-Cooper - 31
  3. Tim Horan - 30
  4. Joe Roff - 30
  5. Lote Tuqiri - 30

PuntosEditar

A marca de puntos marcados posúea Percy Montgomery con 893 puntos[11]. Este xogador, xa retirado, ocupa o sexto posto na lista histórica internacional de puntos coa súa selección.

  1. Michael Lynagh - 911
  2. Matthew Burke - 878
  3. Matt Giteau - 686
  4. Stirling Mortlock - 489
  5. David Campese - 315

NotasEditar