Motor ocular externo

O nervio motor ocular externo ou nervio abducente é o sexto dos doce pares craniais. Encárgase de innervar o músculo recto lateral do ollo, que se encarga de mover o ollo cara a fóra.

Motor ocular externo
nervus abducens
Instancia de	clase de entidade anatómica
Subclase de	par cranial e entidade anatómica particular
Innerva	músculo reto lateral (pt)
Descrito pola fonte
Descrito pola fonte Anatomía de Gray (20ª edición) (páxina(s): 899) Novo Dicionario Enciclopédico, 1911-1916
Identificadores
MeSH	D000010
Thesaurus do NCI	C12665
[ Wikidata ] [ C:Commons ]

Orixe real

Atópase no núcleo abducens, que se atopa por debaixo da ponte de Varolio.

Orixe aparente e percorrido

Xorde por debaixo da ponte de Varolio e pasa por fóra da pirámide bulbar. Pode pasar por diante ou por detrás da arteria cerebelosa anteroinferior. Fura a duramadre do espazo cranial posterior, pasa xunto ós seos petrosos superior e inferior, atravesa o seo venoso cavernoso e xunto coa arteria carótide interna percorre a fendidura esfenoidal ata a órbita. Unha vez nela pasa por dentro do anel de Zinn e chega á parede externa da cavidade ocular, pegándose ó músculo recto externo.

Función

Move o músculo recto externo ou lateral do ollo. É puramente motor.

Lesións do VI par

Lesións no nervio producen parálise do músculo recto externo, polo que o ollo non é quen de ir cara a fóra.

Véxase tamén

Nervios craniais
CN I - Olfactorio
CN II - Óptico
CN III - Oculomotor
CN IV - Troclear
CN V - Trixémino
CN VI - Abducente
CN VII - Facial
CN VIII - Vestíbulococlear
CN IX - Glosofarínxeo
CN X - Vago
CN XI - Accesorio
CN XII - Hipogloso

Outros artigos

• Par cranial