Narcissus cyclamineus

Narcissus cyclamineus é unha especie de planta bulbosa da familia Amaryllidaceae, única especie da sección Clycamenei. De xeito natural, atópase distribuída exclusivamente na franxa atlántica de Galiza e norte de Portugal.

Ilustración

Características

Presenta flores pequenas de cor amarela, cos pétalos revirados, e que medran a primeiros da primavera. A principal característica definitoria destas flores é a súa infrecuente trompeta central longa e estreita, mentres que a sección exterior está dobrada sobre si mesma, creando así unha semellanza cos ciclames.

Taxonomía

Narcissus cyclamineus foi descrita polo briólogo, botánico, micólogo, pteridólogo suízo, Augustin Pyrame de Candolle e publicado en Les Liliacees...a Paris 8: sub t. 486, no ano 1815.

Citoloxía

Número de cromosomas de Narcissus cyclamineus (Fam. Amaryllidaceae) e táxones infraespecíficos: 2n=14, 14+O-1B

Etimoloxía

Narcissus nome xenérico que fai referencia ao mozo narcisista da mitoloxía grega Νάρκισσος (Narkissos) fillo do deus río Cephissus e da ninfa Leiriope; que se distinguía pola súa beleza.

O nome deriva da verba grega: ναρκὰο, narkào (= narcótico) e refírese ao cheiro penetrante e embriagante das flores dalgunhas especies (algúns sosteñen que a palabra deriva da verba persiana نرگس e que se pronuncia Nargis, que indica que esta planta é embriagadora).

cyclamineus: epíteto latino

Sinonimia

• Ajax cyclamineus (DC.) Haw.
• Narcissus pseudonarcissus subsp. cyclamineus (DC.) Baker

Véxase tamén

Outros artigos

• Catálogo galego de especies ameazadas

Ligazóns externas

• Fotos de Narcissus cyclamineus na páxina web da Asociación BIGA (Biodiversidade de Galicia).

Bibliografía

• P. J. Redouté, Liliac. 8: t. 486. 1815
• Royal Botanic Gardens, Kew: N. cyclamineus Arquivado 24 de setembro de 2012 en Wayback Machine..