Abrir o menú principal

Montouto, Abegondo

parroquia civil do concello de Abegondo

Coordenadas: 43°12′28″N 8°19′24″O / 43.2079162, -8.3233242

Montouto
Santa Cristina de Montouto.jpg
Igrexa de Santa Cristina de Montouto.
Parroquia de Montouto do concello de Abegondo.png
ConcelloAbegondo
Poboación312 hab. (2016)
Entidades de poboación11

Santa Cristina de Montouto é unha parroquia que se localiza no oeste do concello de Abegondo na comarca da Coruña. Linda ao norte coas parroquias de Figueroa e Sarandós, Cabanas, ao sur con Folgoso e con Beira, Carral ao leste. Segundo o IGE en 2016 tiña 312 habitantes (156 homes e 156 mulleres) distribuídos en 11 entidades de poboación, o que supón un aumento en relación ao ano 1999 cando tiña 391 habitantes.

EtimoloxíaEditar

Montouto provén da expresión latina de monte alto[1].

Sitios de interese artístico e culturalEditar

Igrexa de Santa Cristina de MontoutoEditar

A Igrexa de Santa Cristina de Montouto é unha igrexa de tipoloxía rural dun estilo barroco e que foi construída no século XVII, seguindo a tipoloxía máis frecuente na comarca. Está situada no Campo do Monte. A arquitectura da igrexa é sinxela e sobria: está formada por unha planta rectangular, cunha fábrica de cachotaría recebada e pintada agás nos esquinais, e enmarcados nos vans que son de cantería de granito. A igrexa está cuberta de tella e o zócolo é con cornixa voada, sobre da que vai a espadana de dous ocos de campás, moldura mixtilínea embaixo da espadana. Na decoración interior destacan os elementos de carácter xeométrico, que conforman a súa característica principal. No eixo vertical a está porta de entrada rectangular e un oco pequeno que remata na espadana[2][3].

No adro da igrexa está tamén o ceminterio e superficies axardinadas con árbores autóctonas. No medio do adro diante da fachada, hai unha pila bautismal histórica[2].

Cruceiro de Santa CristinaEditar

O cruceiro de Santa Cristina está no Campo da festa. Aséntase nunha plataforma cuadrangular con dous pés de formigón. O pedestal é un tronco piramidal e o varal ten unha sección octogonal que comeza e remata en forma de cadrado. O capitel está moldurado e ten unha cruz de sección octogonal, cun botón central e remates florenzados[2].

ArqueoloxíaEditar

Chan do Castro, Castro de MontoutoEditar

Lo lugar de Santín atópase un asentamento fortificado da idade de ferro-romano cunhas dimensións de 160 por 200 metros. Arestora o Castro de Montouto está cuberto por vexetación e non se aprecia a súa morfoloxía. Apréciase que se trataría dunha coroa circular cunha primeira explanada que non pecha o recinto por en enteiro, e outra maior ca a anterior que englobaría a todo o conxunto. A conservación é regular e as pistas que se construíron na zona cortan o seu extremo suroriental[2]

Galería de imaxesEditar

Artigo principal: Galería de imaxes de Abegondo.

Lugares e parroquiasEditar

NotasEditar

  1. [1]"Territorio y poblamiento en Galicia entre la antigüedad y la plena Edad Media : tesis doctoral". Sánchez Pardo, José Carlos. 2008.
  2. 2,0 2,1 2,2 2,3 "PXOM: Concello de Abegondo". abegondo.gal. 26 de xuño de 2012. Consultado o 19 de febreiro de 2019. 
  3. Turgalicia

Véxase taménEditar