Miroslav Klose
Este artigo (ou sección) está desactualizado(a). A información fornecida mudou ou é insuficiente. |
Miroslav Klose nado co nome de Mirosław Klose en Opole (Polonia) o 9 de xuño de 1978, é un futbolista alemán. Xoga de dianteiro e o seu equipo actual é o SS Lazio.
Traxectoria editar
A súa nai Barbara foi membro do equipo nacional polaco de balonmán (82 encontros internacionais) e o seu pai Josef, de etnia xermana, foi entre outras cousas un xogador de fútbol profesional no AJ Auxerre. A familia mudou primeiro á Francia e logo, no 1987, á Kusel en Alemaña.
No Mundial de Fútbol Corea/Xapón 2002, marcou cinco goles coa Selección de fútbol de Alemaña, rematando coma un dos mellores xogadores do mundial. Esta marca repetiuna catro anos despois no Mundial de fútbol Alemaña 2006, resultando máximo anotador do torneo e quedando en terceiro posto coa selección xermana.
"Miro" e a súa muller Sylwia foron pais de xemelgos o 30 de xaneiro de 2005, chamados Luan e Noah.
Perfil do xogador editar
A pesar da súa fama relativamente modesta, Klose é un dos mellores dianteiros que rematan coa testa na Bundesliga. Ademais, xoga dunha maneira naturalmente agresiva e é tecnicamente un xogador apropiado, capaz de rematar cos pés tamén. No 2005, o introvertido Klose é considerado coma un dos mellores goleadores alemáns.
Outros datos editar
A marca de fábrica de Miro, a celebración dos goles, consiste en abrazar ós seus compañeiros de equipo Johan Micoud e Ivan Klasnic ou un "Salto" (termo alemán para voltereta) que fixo ata cinco veces durante a Copa do Mundo de 2002.