Mila Kunis
Milena Markovna Kunis (ucraíno: Мілена Марківна Куніс, ruso: Милена Марковна Кунис), nada en Chernivtsi (Ucraína) o 14 de agosto de 1983, é unha actriz estadounidense.
Traxectoria
editarKunis naceu na RSS de Ucraína nunha familia xudía asquenací na que é a primoxénita. A súa nai, Elvira, é profesora de física, e o seu pai, Mark, enxeñeiro mecánico. A súa familia mudouse aos Ánxeles en 1991 tras separárense a súa nai e o seu pai. Segundo ela mesma ten comentado, mellorou o seu inglés vendo o concurso de televisión The Price is Right. Nos Ánxeles estudou na Hubert Howe Bancroft Middle School. Recibiu clases particulares mentres traballaba na serie That 70's Show. Cando non estaba no plató, estudaba na Fairfax Senior High School.
Carreira
editarAos nove anos compaxinaba o colexio coas clases de interpretación na Beverly Hills Studios, onde coñeceu á súa representante Susan Curtis. Empezou aparecendo en carteis, catálogos e anuncios de televisión de produtos infantís da marca de Lisa Frank, bonecas Barbie e zapatos Payless Shoes. Tamén traballou como modelo para Guess?, Girls Clothing Campaign. O seu primeiro papel televisivo foi a moza Hope Williams nun episodio da popular Soap opera Days of Our Lives.
Antes de actuar en That 70's Show, Kunis apareceu en películas coma Santa With Muscles, Honey, We Shrunk Ourselves coma personaxe secundaria e na película de Angelina Jolie, GIA. Tamén tivo un pequeno papel en 7th Heaven coma némese de Lucy.
En 1998 entrou a formar parte do elenco da serie That 70's Show como Jackie Burkhart. No cásting estableceuse que o papel de Jackie debería ser interpretado por unha rapaza maior de 18 anos. Kunis apuntouse ao cásting e alegou que "no seu aniversario" chegaría á idade marcada (aínda que nunca especificou a que aniversario se refería). Realmente a actriz tiña 14 anos no momento, dato que foi descuberto despois de conseguir o papel, a pesar do cal puido conservalo malia engañar aos directores. Foi considerada coma a persoa que mellor encaixaba co personaxe e valoraron a súa creatividade á hora de conseguir a audición a pesar da súa idade.
A súa participación na serie deuna a coñecer entre o gran público estadounidense. A súa interpretación recibiu sete candidaturas aos Teen Choice Award de Nickelodeon, pero nunca gañou. Kunis, pola súa parte, comentou en multitude de ocasións que non se parece en nada a Jackie na vida real.
Actualmente Kunis é a voz de Meg Griffin na serie de animación Family Guy, e no 2007 recibiu unha candidatura o Annie Award. Tamén pon voz a varios personaxes de Robot Chicken, un programa enmarcado dentro do bloque Adult Swing de Cartoon Network. Tamén entrou no mundo dos videoxogos coma dobradora de Tanya no Saints Row, do mesmo modo que repetiu coma Meg, esta vez na adaptación no videoxogo de Family Guy.
Por outro lado, apareceu en vídeos musicais, coma "Jaded" de Aerosmith, "The Itch" de Vitamine C, "The End Has No End" de The Strokes e "LA Girls" de Mam Taylor xunto a Joel Madden, no que tamén saíu Carmen Electra.
Kunis foi modelo para revistas coma Stuff e Maxim.
Respecto a aparicións en películas tivo papeis importantes en Get Over It xunto a Kirsten Dunst, American Psycho II: All American Girl con William Shatner, After Sex, Boot Camp e Moving McAllister con Jon Heder.
A súa aparición máis recentes na pantalla grande foi interpretando a Rachel Jansen na película de 2008 Forgetting Sarah Marshall, compartindo cartel xunto a Jason Segel, Kristen Bell, Russell Brand, Jonah Hill e Bill Hader. A súa interpretación recibiu outra nomeamento para os Teen Choice Award. No 2008 participou xunto a Mark Wahlberg e Ludacris na película Max Payne.
Filmografía
editar| Ano | Título | Papel | Notas |
|---|---|---|---|
| 1995 | Make a Wish, Molly | Melinda | |
| 1995 | Piranha | Susie Grogan | Telefilme |
| 1996 | Santa with Muscles | Sarah | |
| 1997 | Honey, We Shrunk Ourselves | Jill | Estrea en vídeo |
| 1998 | Gia | Gia at Age 11 | |
| 1998 | Krippendorf's Tribe | Abbey Tournquist | |
| 1998 | Milo | Martice | Sen acreditar |
| 2001 | Get Over It | Basin | |
| 2002 | American Psycho 2 | Rachael | Estrea en DVD |
| 2004 | Tony n' Tina's Wedding | Tina | |
| 2005 | Stewie Griffin: The Untold Story | Meg Griffin (voz) | Estrea en vídeo |
| 2007 | After Sex | Nikki | |
| 2007 | Moving McAllister | Michelle | |
| 2007 | Boot Camp | Sophie | |
| 2008 | Forgetting Sarah Marshall | Rachel Jansen | |
| 2008 | Max Payne | Mona Sax | |
| 2009 | Tom Cool | Little Boy Matson | |
| 2009 | Extract | Cindy | |
| 2010 | The Book of Eli | Solara | |
| 2010 | Date Night | Whippit | |
| 2010 | Black Swan | Lily | |
| 2011 | Friends with Benefits | Jamie Rellis | |
| 2012 | Ted | Lori Collins | |
| 2012 | Tar | Catherine | |
| 2013 | Oz: The Great and Powerful | Theodora | |
| 2013 | Blood Ties | Natalie | |
| 2013 | Hell & Back | Deema (voz) | |
| 2013 | The Angriest Man in Brooklyn | ||
| 2014 | The Third Person |
Véxase tamén
editarWikimedia Commons ten máis contidos multimedia na categoría: Mila Kunis  |