Miguel de Zárraga
Miguel de Zárraga Hernández, nado en Madrid o 14 de abril de 1883, e finado en Hollywood (Os Ánxeles) o 26 de decembro de 1941, foi un escritor e xornalista español.
_Miguel_de_Z%C3%A1rraga.jpg)  | |
| Biografía | |
|---|---|
| Nacemento | 14 de abril de 1883 Madrid, España |
| Morte | 26 de decembro de 1941 (58 anos) Hollywood, Estados Unidos de América |
| Datos persoais | |
| País de nacionalidade | España |
| Actividade | |
| Ocupación | escritor , xornalista , director de cinema |
| Lingua | Lingua castelá |
 | |
Traxectoria editar
Estudou na Universidade de Madrid e despois traballou como xornalista, sendo redactor de España e El Diario Universal. Instalouse en Vigo en 1908, onde foi redactor de Faro de Vigo, dirixiu Letras y Deportes e estreou varias obras de teatro[1]. En 1910 marchou a Cuba para ser redactor do periódico El Triunfo[2]. Posteriormente foi aos Estados Unidos como correspondente de ABC e desempeñou a representación da Sociedade Xeral de Autores de España e doutras entidades literarias. Publicou reportaxes na prensa de Nova York, Londres, París e de países de fala hispana. Dende 1927 impartiu cursos na Universidade de Middlebury (Vermont), na rama española de produción escénica, e recibiu en 1929 un título honorífico de Master of Arts. Marchou aos Ánxeles en 1930 e traballou nos estudios MGM e Fox escribindo guións e argumentos orixinais a partir de adaptacións de diálogos ao castelán para a filmación de versións españolas e dobraxes; supervisou rodaxes e foi director de diálogos. En 1936 substituíu a René Borgia como xefe do departamento de publicidade estranxeira de Columbia Pictures, e interveu como asesor en When You're in Love (1937) e Only Angels Have Wings (1939).
Obras editar
Teatro editar
- Muñeca, 1901.
- Gérmenes malditos, 1903.
- Eva, 1906.
- El compañero de viaje, 1907.
- La moral de lo inmoral, 1908.
- El coto real, 1910.
- El germen, 1910.
Novela editar
- Pasión de amor, 1900.
Vida persoal editar
Casou coa xornalista Elena de la Torre, e foi pai de Miguel de Zárraga de la Torre (1908-1971).
Notas editar
- ↑ Vida Gallega, 6-1909, p. 29.
- ↑ El Avisador Numantino, 27-8- 1910, p. 2.
Véxase tamén editar
Ligazóns externas editar
- Miguel de Zárraga Arquivado 06 de xaneiro de 2017 en Wayback Machine.