Humberto Cuíñas

Humberto Cuíñas González, nado en Vigo o 18 de decembro de 1885 e finado na mesma cidade o 24 de outubro de 1965, foi un xornalista e poeta galego.

Humberto Cuíñas

Biografía
Nacemento	18 de decembro de 1885 Vigo, España
Morte	24 de outubro de 1965 (79 anos) Vigo, España
Actividade
Ocupación	xornalista, poeta
Familia
Pai	Pío Lino Cuiñas

Traxectoria

De pé, de esquerda a dereita: Humberto Cuíñas, Rafael Fuembuena, Blas Agra Mancebo, Miguel de Zárraga, Luis Suárez Gutiérrez, Eugenio Fernández Leis e Julián García Larrú. Sentados Enrique Pereira Borrajo, Miguel Fernández Lema, Emilio Rodal e Antonio Fernández Arreo. Asociación da prensa de Vigo, 1909.

Fillo de Pío Lino Cuíñas Pereira. Foi dependente de comercio e traballou no Banco de Vigo, primeiro nas oficinas centrais, e despois na sucursal de Ourense. Poeta xocoso. Foi redactor de El Mercantil, La Lucha, Letras y Deportes e La Ráfaga. Pertenceu á directiva do Centro de Hijos de Vigo e colaborou en Martín Codax. Publicou un libro de versos festivos titulado Berzas y otras legumbres.

Obras

• Berzas y otras legumbres, 1916.

Vida persoal

Foi irmán do tamén xornalista Celso Cuíñas González. Casou con Marina Aymerich Carrera e foi pai de Humberto Cuíñas Aymerich.

Véxase tamén

Bibliografía

• Afife Afife (2015). "Pío L. Cuíñas: risas en dos siglos". Glaucopis. Boletín del Instituto de Estudios Vigueses (20): 155–164. 
• Martín, Gerardo (2017). Diccionario de vigueses (1875-1945). Retazos de historia local a través de la vida de más de 1700 personajes. Pontevedra: Deputación Provincial. pp. 232–233. ISBN 978-84-8457-448-4.