Miguel Patiño
Miguel Patiño Vázquez, nado en 1933 e finado en Presedo (Abegondo) o 18 de marzo de 2022, foi un político galego.
| Biografía | |
|---|---|
| Nacemento | (es) Miguel Patiño Vázquez  1933 |
| Morte | 18 de marzo de 2022 (88/89 anos) Presedo, España |
| Alcalde de Abegondo | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Unión de Centro Democrático Partido dos Socialistas de Galicia |
Traxectoria editar
Foi nomeado alcalde de Abegondo en 1966. Encabezou a candidatura da UCD nas eleccións municipais de 1979 e foi elixido alcalde con maioría absoluta. Nas municipais de 1983 encabezou a formación independente Agrupación de Vecinos e foi reelixido de novo alcalde por maioría simple. Nas municipais de 1987 encabezou a CPG e logrou ser reelixido con maioría simple, sumando un concelleiro máis que como independente, logrando 6. Foi un dos alcaldes da CPG que respaldaron o apoio de 3 dos seus deputados á moción de censura na Deputación da Coruña contra José Manuel Romay Beccaría que fixo presidente ó socialista Salvador Fernández Moreda.
Desta forma, encabezou a candidatura do PSdeG-PSOE nas municipais de 1991, logrando de novo 6 concelleiros e máis votos que á fronte da CPG. Porén, perdeu a alcaldía ó unirse o resto de partidos en torno ó único concelleiro independente de UMI José Antonio Santiso Miramontes, que foi elixido alcalde.[1] En xuño de 1992 apoiou unha moción de censura presentada polo edil do CDS Tomás Regueiro Cacheiro, o cal se converteu no novo alcalde.
En xaneiro de 1995, un edil socialista apoiou unha nova moción de censura que lle devolveu a alcaldía a Santiso Miramontes, o cal se integrara no PPdeG. Nas municipais de 1995, encabezou de novo a candidatura socialista pero foi amplamente derrotado polo PPdeG de Santiso, que logrou a maioría absoluta. Desta forma, retirouse da primeira liña política nese mandato. Finou en Abegondo o 18 de marzo de 2022 aos 88 anos.
| Predecesor: Andrés Veiras Rivas |
 Alcalde de Abegondo 1966 - 1991 |
Sucesor: José Antonio Santiso Miramontes |
Vida persoal editar
Casou con Avelina Barros Concheiro.
Notas editar
- ↑ La Voz de Galicia, 16-6-1991, p. 45.