Miguel III
Miguel III (839 - 867), "o Borracho", neto de Miguel II, sucedeu ao seu pai Teófilo como emperador bizantino cando só contaba con tres anos de idade en 842.
  | |
| Nome orixinal | (el) Μιχαήλ Γ΄ ο Μέθυσος |
|---|---|
| Biografía | |
| Nacemento | 9 de xaneiro de 840 Constantinopla, Turquía |
| Morte | 25 de setembro de 867 (Gregoriano) (27 anos) Constantinopla, Turquía |
| Lugar de sepultura | Igreja dos Santos Apóstolos (pt)  |
| Emperador bizantino | |
| 842 – 867 ← Teófilo – Basilio I → | |
| Datos persoais | |
| Relixión | Cristianismo ortodoxo |
| Actividade | |
| Ocupación | Emperador |
| Familia | |
| Familia | Dinastia amoriana (pt) |
| Cónxuxe | Eudóxia Decapolitissa |
| Fillos | León VI o Sabio, Estevão I de Constantinopla |
| Pais | Teófilo e Teodora |
| Irmáns | Maria Anastasia Constantino (filho de Teófilo) Tecla |
| Descrito pola fonte | Dicionario Enciclopédico Brockhaus e Efron Pequeno Dicionario Enciclopédico de Brockhaus e Efron Novo Dicionario Enciclopédico, 1911-1916 |
   | |
Durante a súa minoría, o Imperio foi gobernado pola súa nai Teodora, que malia as derrotas que sufriron os seus xenerais, conseguiu manter as fronteiras fronte aos musulmáns de Bagdad e Creta. A rexente fixo gala do seu celo relixioso restaurando a veneración das imaxes en 842 e perseguindo aos herexes bogomilos, pero descoidou completamente a educación do seu fillo. Por iso, Miguel converteuse nun neno consentido e caprichoso que caeu baixo a influencia do seu tío Bardas, o cal o induciu a recluír a Teodora nun convento, de modo que Bardas puido asumir o poder en 857.
Bardas, trala usurpación, introduciu varias reformas internas e nas guerras da época Miguel desempeñaría un papel máis activo. Durante o conflito cos musulmáns no Éufrates (856 - 863), o emperador tivo que facer fronte a unha derrota persoal en 860, que sería compensada por unha gran vitoria por parte do seu tío Petronas en Asia Menor. En 861, Miguel e Bardas invadiron Bulgaria e lograron a conversión do seu rei ao cristianismo.
No mar, o Imperio sufriu os ataques dos corsarios de Creta, e en 865 a primeira expedición de pillaxe dos rusos de Kíiv chegou a poñer en perigo o mesmo Bósforo. En 867 Miguel foi asasinado por Basilio o Macedonio, un antigo paxe que conseguira acabar coa influencia de Bardas e que en 866 fora asociado ao Imperio.
Véxase tamén
editarWikimedia Commons ten máis contidos multimedia na categoría: Miguel III  |
| Imperio Bizantino | ||
|---|---|---|
Segue a: Teófilo |
Miguel III | Precede a: Basilio I |
| Dinastía Amoriana | ||