Miguel II

Miguel II
Nacemento	770
Lugar de nacemento	Amorium
Falecemento	2 de outubro de 829
Lugar de falecemento	Constantinopla
Nacionalidade	Imperio Bizantino
Relixión	Cristianismo ortodoxo
Ocupación	líder militar
Cónxuxe	Tecla e Eufrósine
Fillos	Teófilo
Na rede
	[ editar datos en Wikidata ]
	v; c; e;

Miguel II, chamado Psello, "O tatexo" ou "O Amoriano", nado no ano 770 e finado no 829, reinou como emperador bizantino de 820 a 829.

Traxectoria editar

Nacido en Amorio en Frixia, comezou a súa carreira como soldado, pero grazas ao seu talento chegou a ascender ata o xeneralato.

Apoiara que o seu antigo compañeiro de armas fose nomeado emperador como León V o Armenio (813), pero, cando se descubriu que Miguel participara nunha conspiración contra este, foi condenado a morte en decembro de 820. Con todo, os seus partidarios tiveron éxito no asasinato do emperador León e sacaron a Miguel de prisión para colocalo no trono imperial como primeiro representante da dinastía amoriana.

O seu reinado caracterizouse por varios feitos: a loita contra o seu irmán Tomé, que tamén aspiraba ao trono (822-824); a conquista de Creta polos árabes en 823, e o comezo dos ataques musulmáns contra Sicilia (827).

Malia as súas simpatías iconoclastas, logrou conciliarse cos iconódulos (adoradores de imaxes), pero non puido evitar a hostilidade dos monxes por mor do seu segundo matrimonio con Eufrosine, filla de Constantino VI, que fora ordenada monxa anteriormente.

Véxase tamén editar

Imperio Bizantino
Segue a: León V o Armenio	Miguel II (820-829)	Precede a: Teófilo
Segue a: León V o Armenio	Dinastía Amoriana	Precede a: Teófilo