Medios de comunicación na Baía de Tampa
A área metropolitana da Baía de Tampa é a segunda maior área metropolitana dos Estados Unidos en canto a variedade de medios, tanto impresos, en liña e outros medios de difusión. Segundo unha estimación da Oficina do Censo dos Estados Unidos do ano 2008, a poboación da área estatística metropolitana Tampa-San Petersburgo era de 2 733 761 persoas. O mercado de medios de comunicación da Baía de Tampa tamén inclúe os condados de Citrus, Manatee, Sarasota e Polk, que non se atopan na Baía.[1] Os medios de comunicación do condado de Polk tamén proceden de Orlando.
Xornais editar
Os dous principais xornais da zona son o Tampa Bay Times e o The Tampa Tribune.
O The Tampa Bay Times (coñecido como St. Petersburg Times dende a súa fundación en 1884 ata xaneiro de 2012) é o xornal de maior tirada no sueste dos Estados Unidos, cuns 400.000 exemplares impresos a diario, o que representa un 50% máis ca o segundo xornal cunha maior tirada, o Orlando Sentinel.[2]
O The Tampa Tribune publicou o seu primeiro exemplar como un xornal diario en 1895. Ademais da edición principal, publica unha carteira de semanais independentes en toda a rexió, incluíndo o Plant City Courier & Tribune, o Brandon News & Tribune, o South Shore News & Tribune, o Northeast News & Tribune, o Carrollwood News & Tribune, o South Tampa News & Tribune, o Northwest News & Tribune, o Central Tampa News & Tribune, o The Suncoast News, e o CENTRO Tampa, en español.
Na área da Baía de Tampa tamén prestan servizo unha serie de xornais rexionais. La Gaceta é un semanal trilingüe (publicado en inglés, castelán e italiano) publicado na Ybor City dende 1922.[3] A comunidade negra da zona conta con dous xornais: o Florida Sentinel Bulletin (Tampa) e o The Weekly Challenger (San Petersburgo). O Creative Loafing (tamén coñecido durante unha época como Weekly Planet) é o principal semanario alternativo da zona. The Oracle publica na Universidade do Sur de Florida e nos barrios circundantes. O Tampa Bay Business Journal é a principal publicación económica da zona.
Varias cidades fóra do núcleo Tampa-St. Petersburg, pero dentro da Baía de Tampa contan con xornais de pouca tirada e unha pequena área de distribución. Entre eles atópanse o The Bradenton Herald, o Sarasota Herald-Tribune, o The Ledger , o Citrus County Chronicle, o Hernando Today ou o Highlands Today.
Televisión editar
A área da Baía de Tampa é décimo cuarto maior mercado televisivo do país e o maior mercado televisivo de Florida,[4] con 1,78 millóns de fogares con televisión.
Na rexión operan catorce cadeas televisivas:
Entre as televisións por cable atópanse Bay News 9, Bright House Sports Network, e SNN Local News 6.
Radio editar
O mercado radiofónico de Tampa é o décimo noveno maior dos Estados Unidos, segundo Arbitron Research.[5] Hai máis de 70 emisoras de radio, divididas practicamente a partes iguais entre frecuencias AM e FM. Clear Channel Communications é o maior propietario de emisoras da zona, seguido por Cox Broadcasting e CBS Radio. Ademais, moitas emisoras da zona de Orlando pódense escoitar na zona noroeste da área metropolitana.
Notas editar
- ↑ Tampa Bay metro market hits milestone - Tampa Bay Business Journal, July 18, 2007
- ↑ "ACCESS ABC: eCirc for US Newspapers". Arquivado dende o orixinal o 17 de marzo de 2013. Consultado o 24 de decembro de 2013.
- ↑ "La Gaceta Newspaper - History". Arquivado dende o orixinal o 18 de abril de 2012. Consultado o 24 de decembro de 2013.
- ↑ "Copia arquivada" (PDF). Arquivado dende o orixinal (PDF) o 17/03/2011. Consultado o 24/12/2013.
- ↑ Arbitron Radio Market Rankings - Winter 2012