Marta Rivera de la Cruz

Marta Rivera de la Cruz, nada en Lugo o 4 de xuño de 1970, é unha escritora galega en lingua castelá, ademais de política de Ciudadanos-Partido de la Ciudadanía, colaboradora en diversos medios de comunicación e un dos apoios máis destacados da asociación Galicia Bilingüe. Nas Eleccións xerais de 2015 e nas Eleccións xerais de 2016 foi escollida deputada por Madrid. Nas Eleccións xerais de abril de 2019 foi elixida deputada pola Provincia da Coruña, aos poucos meses renunciou ao escano no Congreso dos Deputados para ocupar o cargo de Conselleira de Cultura e Turismo da Comunidade de Madrid. Tralos malos resultados de Ciudadanos nas Eleccións á Asemblea de Madrid de 2021 abandonou a formación política.

Marta Rivera de la Cruz

Biografía
Nacemento	4 de xuño de 1970 (54 anos) Lugo, España
Q71443855
20 de agosto de 2019 –
Deputada de España
10 de maio de 2019 – 19 de agosto de 2019 – María Vilas Liñares → Lexislatura: XIII lexislatura de España Circunscrición electoral: Circunscrición electoral da Coruña Electa en: eleccións ao Congreso de España de abril de 2019
Deputada de España
7 de xullo de 2016 – Lexislatura: XII lexislatura de España Circunscrición electoral: Circunscrición electoral de Madrid Electa en: Eleccións xerais de España de 2016
Deputada de España
7 de xaneiro de 2016 – 19 de xullo de 2016 Lexislatura: XI lexislatura de España Circunscrición electoral: Circunscrición electoral de Madrid Electa en: Eleccións xerais de España de 2015
Datos persoais
País de nacionalidade	España
Educación	Universidade Complutense de Madrid
Actividade
Campo de traballo	Ensaio
Lugar de traballo	Madrid
Ocupación	escritora , biógrafa , escritora de literatura infantil , ensaísta , xornalista , política
Partido político	Ciudadanos-Partido de la Ciudadanía
Lingua	Lingua castelá
Familia
Pai	Francisco Rivera Cela

Traxectoria

Formación e comezos literarios

Filla do xornalista Francisco Rivera Cela. É licenciada en Ciencias da Información e especialista en Comunicación Política pola Universidade Complutense de Madrid. Comezou a súa carreira literaria no ano 1996 coa novela El refugio, que resultou gañadora do II Premio de Novela Corta Joven y Brillante 1996.

Dous anos máis tarde, en 1998, obtivo o Premio Ateneo de Sevilla de Novela Joven coa obra Que veinte años no es nada, na que relataba a paixón irrevogable que Luisa sente por un famoso escritor, Cósimo Herrera, vinte anos maior ca ela. Da obra fixéronse cinco edicións.

No ano 2000 publicou dúas novelas: Linus Daff, inventor de historias e Viajar a Chipre.

Cultiva tamén o xénero do ensaio e en 2001 apareceu Fiestas que hicieron historia. Hotel Almirante foi a súa seguinte novela. Publicada en 2002, xira arredor do descubrimento do cadáver dunha moza nun hotel de luxo. Un ano máis tarde, en 2003, a autora publicou Tristezas de amor, unha incursión no xénero do ensaio, e en 2004 Grandes de España.

Así mesmo, a autora escribiu numerosos relatos, coma "El beso del andén".

Finalista do Planeta

En 2006, publicou En tiempo de prodigios, que resultou finalista do Premio Planeta de Novela dese mesmo ano. A novela narra a historia de Cecilia, unha muller á que a vida non lle sorrí pero que descobre unha historia que lle vai contando pouco a pouco o avó da súa mellor amiga, Silvio.

A súa novela La importancia de las cosas publicouse en 2009. Nela, o protagonista é un profesor universitario, Mario Menkell, autor dunha única e exitosa novela, que recibe a nova de que o inquilino do seu piso de alugueiro se suicidou. Tras a sorpresa inicial, a partir das pertenzas do individuo, intentará recompoñer a súa historia.

Outros labores

Ademais de escritora, Marta Rivera de la Cruz desenvolveu a súa actividade como editora: foi responsable da antoloxía Cuentos de Navidad e da última edición da obra de Alejo Carpentier, La ciudad de las columnas. É colaboradora habitual de diversos medios, coma El País Semanal, El Progreso ou o programa de radio Al sur de la semana da cadena COPE.

Papeleta das Xerais de abril de 2019.

Posición verbo da política lingüística

En 2008, Rivera de la Cruz apoiou publicamente as teses defendidas pola organización Galicia Bilingüe, que, entre outras pretensións, avoga pola derrogación da Lei de normalización lingüística, garante da igualdade de dereitos entre as linguas galega e castelá no territorio administrativo galego. A escritora luguesa foi unha das caras visíbeis que durante a campaña das eleccións ao parlamento de Galiza en 2009 e posteriormente se manifestou en prol do uso prioritario do castelán no ensino, na administración e nos medios de comunicación, en detrimento do galego.

Obras

Novelas

• El Refugio (1996; Gañadora do II Premio Novela Corta Joven y Brillante 1996).
• Que veinte años no es nada (Algaida Editores, 1998; Gañadora do II Premio Ateneo Joven de Sevilla de Novela 1998).
• Linus Daff, inventor de historias (Plaza & Janés, 2000).
• Viajar a Chipre (Plaza y Janés, 2000).
• Hotel Almirante (Espasa-Calpe, 2002).
• En tiempo de prodigios (Planeta, 2006; Finalista do Premio Planeta 2006).
• La importancia de las cosas (Planeta, 2009).

Ensaios

• Fiestas que hicieron historia (Temas de Hoy, 2001).
• Tristezas de amor (Espasa-Calpe, 2003).
• Grandes de España (Aguilar, 2004).

Outras colaboracións

• "El beso del andén" (Imagine, 2001; Conto na antoloxía Sobre raíles).

Véxase tamén

Outros artigos

• Lista de deputados galegos no Congreso desde a Transición

Ligazóns externas

• Ficha na páxina web do Congreso dos Deputados Arquivado 11 de xullo de 2017 en Wayback Machine.
• "A AELG, o PEN Clube e A Mesa critican a participación de Marta Rivera na homenaxe a Rosalía". Baía Edicións. 8/3/2013. 
• Marta Rivera de la Cruz en escritoras.com (en castelán)