Mario Gómez
Mario Gómez García, nado en Riedlingen o 10 de xullo de 1985, é un futbolista alemán, que xoga na demarcación de dianteiro no VfB Stuttgart, e na selección alemá de fútbol. O seu traspaso do Stuttgart ó Bayern foi un récord na Bundesliga, ó facerse por 30-35 millóns de euros.
| Mario Gómez | |||
|---|---|---|---|
 | |||
| Información persoal | |||
| Nome | Mario Gómez García | ||
| Nacemento | 10 de xullo de 1985 (37 anos) | ||
| Lugar de nacemento | Riedlingen | ||
| Altura | 1,89 m. | ||
| Posición | Dianteiro | ||
| Información de club | |||
| Club actual | VfB Stuttgart | ||
| Número | 27 | ||
| Carreira xuvenil | |||
| SV Unlingen | |||
| FV Bad Saulgau | |||
| 1999–2001 | SSV Ulm 1846 | ||
| 2001–2003 | VfB Stuttgart | ||
| Carreira sénior | |||
| Anos | Equipos | Aprs | (Gls) |
| 2003–2005 | VfB Stuttgart II | 43 | (21) |
| 2003–2009 | VfB Stuttgart | 121 | (63) |
| 2009–2013 | Bayern de Múnic | 115 | (75) |
| 2013–2016 | Fiorentina | 29 | (7) |
| 2015–2016 | → Beşiktaş JK (cedido) | 33 | (26) |
| 2016–2017 | VfL Wolfsburg | 45 | (17) |
| 2018– | VfB Stuttgart | ||
| Selección nacional | |||
| 2005–2006 | Alemaña sub-21 | 9 | (1) |
| 2005 | Alemaña B | 2 | (1) |
| 2007– | Alemaña | 58 | (25) |
| Na rede | |||
| http://www.mario-gomez.de | |||
      | |||
|
Partidos e goles só en liga doméstica. Club: actualizado a 18 de maio de 2013. Selección: actualizado a 6 de febreiro de 2013.[ editar datos en Wikidata ] | |||
TraxectoriaEditar
De pai de orixe granadina Gómez naceu en Riedlingen. Medrou en Unlingen no estado de Baden-Württemberg, ó suroeste de Alemaña, a 95 km de Stuttgart e a 175 km ao suroeste de Múnic. Comezou a formarse futbolisticamente en clubs menores pasando pronto ás categorías inferiores do VfB Stuttgart, debutou co primeiro equipo en 2004 nun encontro de Liga de Campións ante o Chelsea FC e pouco despois na Bundesliga.
Na tempada 2004/05, aínda con ficha no filial anotou 15 goles en 24 encontros co mesmo. Na tempada seguinte xa se fixo un oco no primeiro equipo, disputando 30 encontros e anotando 6 goles
Na tempada 2006/07 converteuse nun dos máximos anotadores da Bundesliga a pesar de sufrir varias lesións, renovando co Stuttgart ata 2012. Ao ano seguinte foi o segundo máximo goleador do campionato ligueiro por detrás de Luca Toni e o máximo da Copa con 6 goles.
No verán de 2009 fichou polo Bayern de Múnic por unha cifra entre 30 e 35 millóns de euros. Na súa segunda tempada no club muniqués foi o segundo máximo anotador da Liga de Campións, por detrás de Samuel Eto'o, e o máximo da Bundesliga con 28 goles.
Na tempada 2012/13 e última no Bayern o equipo proclamouse campións da Liga de Campións.
Coa selección de fútbolEditar
Ten nacionalidade española e alemá, decidíndose por xogar coa selección alemá. O seu primeiro partido coma internacional foi en febreiro de 2007 contra a selección suíza e foi convocado regularmente dende entón.
Disputou a Eurocopa de 2008 e 2012 e no Mundial de Fútbol Suráfrica 2010.
Vida persoalEditar
Gómez é un notable portavoz sobre temas sociais, pensa que os homosexuais teñen que liberarse no fútbol e non preocuparse por iso. Gómez ten unha longa relación coa súa actual moza, Silvia Meichel.