Marcial de Torres Adalid
Marcial de Torres Adalid, nado na Coruña en 1816 e finado na mesma cidade o 20 de marzo de 1890, foi un pianista e compositor galego, primo do tamén compositor coruñés Marcial del Adalid Gurrea.[1]
| Biografía | |
|---|---|
| Nacemento | 1816  A Coruña, España |
| Morte | 1890 (73/74 anos) A Coruña, España |
| Datos persoais | |
| País de nacionalidade | España |
| Actividade | |
| Ocupación | pianista , compositor |
Traxectoria editar
Comezou a súa formación musical na súa cidade natal con Antonio Marti, organista da Colexiata de Santa María do Campo, continuándoos en Londres co virtuoso pianista bohemio Ignaz Moscheles. Ao longo da súa vida realizou viaxes por tooda Europa, entablando amizade con músicos como Franz Liszt, Frédéric Chopin ou Gioachino Rossini, e dando concertos na capital británica, Francia, Alemaña, Rusia ou Italia, así como no Palacio Real de Madrid ante a raíña de España Isabel II.[2][3]
Entre 1856 e 1858 residiu en Lisboa, trasladándose en 1859 a Madrid, onde permaneceu ata 1867. En 1868 regresou a Galicia, onde entre 1868 e 1870 residiu en Ourense antes de establecerse definitivamente na súa cidade natal en 1870.[3]
Foi mestre do destacado compositor coruñés Xosé Baldomir.[4]
Notas editar
- ↑ Viso Soto, Margarita (1990). "Marcial de Torres Adalid (1816-1890) (Estudio biográfico y edición de su trío con piano)". Anuario Musical (en castelán) (Barcelona) 45: 189.
- ↑ "Marcial de Torres Adalid". Galicia Digital. Consultado o 27 de abril de 2021.
- ↑ 3,0 3,1 "Torres Adalid, Marcial de 1816-20.mar.1890 Spain, A Coruna - A Coruna" (en inglés). composers-classical-music.com. Consultado o 27 de abril de 2021.
- ↑ Viso Soto, Margarita (2018). Melodías galegas de José Baldomir Rodríguez (PDF). Santiago de Compostela: Consello da Cultura Galega. p. 29. ISBN 978-84-92923-91-5.
Véxase tamén editar
Bibliografía editar
- Dicionario biográfico de Galicia. Ir Indo Edicións. 2010-2011.
- Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.