María Araújo
- Para o artigo da xogadora galega de baloncesto véxase: María Pérez Araújo
María Araujo Martínez, coñecida tamén como María Carcaño e María a Guerrilleira, nada no Carril (Vilagarcía de Arousa) o 28 de outubro de 1904 e finada na Habana o 28 de decembro de 1989, foi unha sindicalista, guerrilleira e política galega.
María Araújo | |
---|---|
Alcume | María Carcaño e María a Guerrilleira |
Nacemento | 28 de outubro de 1904 |
Lugar de nacemento | O Carril |
Falecemento | 28 de decembro de 1989 |
Lugar de falecemento | A Habana |
Nacionalidade | España |
Ocupación | sindicalista e política |
[ editar datos en Wikidata ] | |
Traxectoria editar
Aos dous anos marchou coa familia a Cuba, establecéndose en Casablanca. Casou con Sebastián Carcaño e xuntos vinculáronse ao nacente movemento comunista cubano. En 1927 regresaron cos seus fillos a Galicia. María traballou nunha fábrica de conservas en Vigo. Encabezou o Sindicato de Conserveiras e militou no PCE. Ao iniciarse o golpe de Estado do 18 de xullo de 1936 pasou á clandestinidade e colaborou coa guerrilla antifranquista. Foi detida xunto coa súa filla Dora Carcaño. Grazas ás xestións do cónsul de Cuba en Vigo foi liberada en agosto de 1944 e expulsada de España. De regreso a Cuba participou en campañas de apoio aos guerrilleiros antifranquistas e en 1948 foi vicepresidenta da Unión de Mujeres Españolas. Loitou contra a ditadura de Batista e apoiou o goberno revolucionario. Colaborou na Campaña de Alfabetización, nos Comités de Defensa de la Revolución e na Federación de Mujeres Cubanas.
Véxase tamén editar
Bibliografía editar
- Domingo Cuadriello, Jorge (2009). El exilio republicano español en Cuba. Madrid: Siglo XXI. p. 364. ISBN 978-84-323-1387-5.
- Pérez Leira, Lois (2009). Mulleres da emigración (bilingüe: galego-castelán). Vigo: Grupo de Comunicación Galicia en el Mundo. ISBN 978-84-936759-9-8.
- Saraiba, Nydia (2006). Perfiles. Mujeres de la Guerra Civil Española en Cuba. Sada: Ediciós do Castro. ISBN 978-84-8485-244-5.