Manuel Oubiña López
Manuel Oubiña López, nado en Vilagarcía de Arousa cara a 1901 e finado en Pontevedra o 4 de decembro de 1936, foi un sindicalista e político galego.
| Biografía | |
|---|---|
| Nacemento | 1901  Vilagarcía de Arousa, España |
| Morte | 4 de decembro de 1936 (34/35 anos) Pontevedra, España |
| Datos persoais | |
| País de nacionalidade | España |
| Actividade | |
| Ocupación | sindicalista , político |
Traxectoria editar
Carpinteiro. En maio de 1924 foi elixido presidente da sociedade Agraria de Cornazo.[1] Coa proclamación da República foi nomeado membro da Junta provisional Republicana de Vilagarcía.[2] Na II República foi concelleiro de Vilagarcía e directivo da Federación Local de Vilagarcía da CNT. Procesado polo xuíz de Cambados acusado de falsidade en documento público, foi destituído polo Gobernador civil en agosto de 1934.[3] Absolto polo xulgado de Cambados, foi reposto no cargo o 19 de xaneiro de 1936.[4] Co golpe de Estado do 18 de xullo de 1936 foi detido. Xulgado en Pontevedra en consello de guerra por rebelión militar o 21 de novembro con Luis Pando Rivero, Valentín Briones Rey, Jesús Villaverde Rey, José Otero Lago, Román Mondragón Cores, Ángel Navia Cores e Román Torrado Torrado, foi condenado a pena de morte.[5] Foi executado o 4 de decembro na Caeira.[6]
Notas editar
Véxase tamén editar
Bibliografía editar
- Abuín Duro, Marcelino (2018). La primavera rota. Vilagarcía de Arousa, 1936-1941. Abegondo: Sociedad Bibliográfica de Galicia. pp. 192–193. ISBN 978-84-09-02453-7.
Ligazóns externas editar
- Manuel Oubiña López na páxina web Nomes e Voces.