Manuel Mirás Franqueira
Manuel Mirás Franqueira, nado en Ordes en 1956,[1] é un empresario e político galego do PSdeG-PSOE.
| Biografía | |
|---|---|
| Nacemento | 1956  (67/68 anos)Ordes, España |
| Alcalde | |
| | |
| Datos persoais | |
| País de nacionalidade | España |
| Actividade | |
| Lugar de traballo | Oroso |
| Ocupación | empresario , político |
| Partido político | Partido Socialista Obrero Español |
| Membro de | |
| Lingua | Lingua castelá |
Traxectoria editar
Titular dunha asesoría. Foi candidato á alcaldía de Oroso polo PSdeG-PSOE en 1983, sendo a partir de entón concelleiro. Repiteu en 1987, apoiando a moción de censura que fixo alcalde a Eugenio Neira en 1989, sendo ademais deputado provincial entre 1990 e 1991. Foi elixido alcalde de Oroso en 1991, mediante un pacto coa CNG, rotándose na alcaldía co candidato desa formación, Carlos Noya Fernández, que a ocupou a partir de abril 1993. En 1995 os membros da CNG concorreron integrados na lista do PSdeG, con Noya como candidato e volvendo a ser elixido concelleiro, se ben perderon a alcaldía en favor do PPdeG. En 1999 volveu a selo candidato socialista, continuando na oposición, sendo elixido novamente deputado provincial.
En abril de 2002 volveu ser elixido alcalde de Oroso ao triunfar unha moción de censura contra o popular Eugenio Neira García grazas ao apoio de dous tránsfugas do PPdeG[2], polo cal foi expulsado do PSdeG-PSOE. Nas eleccións municipais de 2003 foi o candidato do CDS á alcaldía de Oroso e foi reelixido alcalde, obtendo maioría simple e gobernando en coalición co CDI, por onde concurrían o seu anteriror compañeiro de filas Carlos Noya e os exconcelleiros populares que o apoiaran na moción de censura. En 2006 regresou ao PSdeG-PSOE, e nas municipais de 2007 foi o candidato á alcaldía por esta formación[3] e foi relixido alcalde, gobernando co concelleiro do BNG José Manuel Pérez Penas. Nas municipais de 2011 volveu ser relixido alcalde polo PSdeG-PSOE logrando a maioría absoluta, ao igual que en 2015. A finais dese mesmo ano foi elixido vicepresidente executivo da FEGAMP. Nas eleccións municipais de 2019 acadou de novo a alcaldía[4], tras gañar e gobernar cunha concelleira do BNG. En maio de 2021 renunciou á alcaldía, sendo substituído polo seu compañeiro Luís Rey Villaverde. En novembro de 2021 tomou posesión como senador trala renuncia de Antonio Vázquez Lorenzo, do cal era o seu suplente nas xerais do 2019.
| Predecesor: Eugenio Neira García |
 Alcalde de Oroso 1991 - 1993 |
Sucesor: Carlos Noya Fernández |
| Predecesor: Eugenio Neira García |
Alcalde de Oroso 2002 - 2021 |
Sucesor: Luís Rey Villaverde |
Notas editar
- ↑ La Voz de Galicia, Santiago, 8-5-2010, p. 14.
- ↑ Dos tránsfugas dan al socialista Mirás la alcaldía de Oroso
- ↑ "O alcalde de Oroso deixa o CDS e presentarase polo PSdeG". Arquivado dende o orixinal o 24 de setembro de 2015. Consultado o 28 de outubro de 2011.
- ↑ Concello de Oroso na FEGAMP