Abrir o menú principal

Malakula ou Malekula é a segunda illa máis grande da nación de Vanuatu, no Océano Pacífico na Melanesia. Hai unha lenda urbana que di que o seu nome, acuñado por James Cook, ao parecer procede do francés mal à cul (literalmente, dor no cu) foi inspirado pola presenza de caníbales, a actividade volcánica e outros desagradables características da illa no momento do seu descubrimento. O capitán Cook, con todo, rexistra que os habitantes chaman a illa Mallicollo e a etimoloxía "dor no cu" é probablemente unha derivación dos mariñeiros do nome orixinal.

Malakula
Vanuatu - Malakula.PNG
Localización
MalakulaMap.png
Malakula, mapa
Situación
PaísVanuatu
ProvinciaMalampa
ArquipélagoNovas Hébridas
MarOcéano Pacífico
Coordenadas16°30′S 167°50′L / -16.500, -167.833
Xeografía
XeoloxíaVolcánica
Superficie2.041´3 km²
Punto máis alto879 m. Monte Liambele
Demografía
CapitalLakatoro
Poboación25.000 hab. (2010)
Densidade12´25 hab./km²

SituaciónEditar

Está separada da Illa Espírito Santo e de Malo polo Estreito de Bougainville. Lakatoro, a capital da provincia de Malampa, está situada na costa oriental e é o asentamento máis grande da illa. No lado nordeste da illa hai un grupo de illas chamadas Illas Pequenas, entre elas (de N a S) Vao, Atchin, Wala, Rano, Norsup, Uripiv e Uri.

Ten unha elevación máxima de 879 m. o monte Liambele.[1] En 1768, Louis Antoine de Bougainville deu o seu nome ao estreito que separa Malakula de Santo.

HistoriaEditar

Descuberto pola expedición española de Pedro Fernandes de Queirós en 1606.[2].

Durante 1914 e 1915 os antropólogo británico John Layard viviu na illa tomando notas antropolóxicas, así como rexistros fonográficos e fotográficos durante a súa campaña. Ao seu regreso a Gran Bretaña doou exemplares das placas das máis de 400 fotografías ó Museo de Arqueoloxía e Antropoloxía da Universidade de Cambridge.

DemografíaEditar

Segundo o último censo do 2000, Malakula ten unha poboación de máis de 30.000 habitantes. Está separada das illas de Espírito Santo e Malo polo Estreito de Bougainville. Lakatoro, capital da provincia de Malampa, está situada na súa costa oriental e é o asentamento máis grande na illa.

Hai preto de trinta diferentes idiomas que se falan na illa de Malakula.[3] Viven dúas tribos os gran Nambas e os pequenos Nambas na parte central da zona sur, os nomes derivan do tamaño da funda do pene que levan, feita de follas de plátano ou pandanus.[4]

Tiñan, ata hai pouco, a cultura de apertar os cranios dos bebés para alterar a forma da cabeza. As cabezas en forma de cono dise que son un signo dun maior status social.

EconomíaEditar

 
Malakula máscaras funerarias

A economía de Malakula baséase principalmente na agricultura, con extensas plantacións de copra nas chairas costeiras do leste ao redor de Norsup e Lakatoro. En 1939, estableceuse unha cooperativa de copra en Matanvat no norte de Malakula. En pouco tempo, tomou algúns dos trazos do culto de carga, ata 1950, tras o cal regresou ao seu propósito orixinal, a produción de copra. Hoxe en día, a plantación produtora de copra máis grande de Vanuatu está situada en Norsup.

InfraestruturaEditar

Lakatoro ten varias tendas, un supermercado, unha sucursal do banco nacional de Vanuatu, unha oficina de Air Vanuatu, o peirao principal e é o centro administrativo da provincia de Malampa (Malekula, Ambrym, Paama). Norsup ten o hospital provincial. Tanto Norsup como Lakatoro teñen teléfonos e electricidade as 24 horas.

TurismoEditar

O interior de Malekula é montañoso, accidentado e cuberto por bosques con boas sendas e observación de aves. Hai antigos lugares caníbais escondidos na selva no norte Malekula, pero moitos dos ósos e cranios elimináronse ou enterráronse. Os Maskelynes e as pequenas illas costeiras ao longo da costa este de Malekula teñen praias de area e os arrecifes de coral son bos para o mergullo.

TransporteEditar

Transporte aéreoEditar

Hai aeroportos en Malekula en Norsup, Lamap e na Baía Sudoeste. Norsup ten unha superficie de asfalto. Air Vanuatu voa a Malekula todos os días da semana.

Transporte por estradaEditar

Lakatoro é o centro de transporte por estrada de Malekula. O mellor lugar para atopar camións está no centro do comercio de Lak.

Ten unha altitude máxima de 879 m.

NotasEditar

  1. Malekula, Vanuatu – island travel, accommodation, culture, reefs, beaches, rivers, forests
  2. Rienzi, M.L. Historia de la Oceanía, o quinta parte del mundo Barcelona, 1845-1846, vol IV, p.107
  3. "Languages of Malakula". Arquivado dende o orixinal o 08 de decembro de 2010. Consultado o 08 de decembro de 2010. 
  4. Malakula island of Vanuatu

Véxase taménEditar

Ligazóns externasEditar