MS-DOS

MS-DOS (Microsoft Disk Operating System, Sistema operativo de disco Microsoft), foi o primeiro sistema operativo para o PC IBM. Foi lanzado co IBM PC en 1981 e tivo oito versións principais antes de que Microsoft detivese o seu desenvolvemento en 2000. Foi o produto clave na conversión de Microsoft dende unha compañía de linguaxe de programación ata unha firma de desenvolvemento de software.

MS-DOS
Desenvolvedor	Microsoft
Familia de S.O.	DOS
Lanzamento	Agosto de 1981
En galego	Non
Espazo de usuario	Interface texto
Interface de usuario	Liña de comandos
Modelo de desenvolvemento	Software propietario
Tipo de núcleo	Monolítico
Licenza	Propietaria, Microsoft CLUF (EULA)
Última versión estable	8.01 14 de setembro de 2000
Estado actual	Descontinuado / Histórico (Vixente en Windows XP SP1 e superiores coma Símbolo do Sistema)
Sucedido por	Microsoft Windows
Sitio web	DOS overview

Historia

Creado por Tim Paterson, da compañía Seattle Computer Products como QDOS en 1980 e comercializado como 86-DOS para correr nun microprocesador Intel 8086, Microsoft mercou o sistema pouco antes do lanzamento do IBM PC o 12 de agosto de 1981, ao ser incapaz de crear un sistema operativo no prazo que IBM lle encargara. O IBM PC saíu coa súa propia versión de MS-DOS coñecida como PC-DOS, mentres Microsof mantivo o nome de MS-DOS para os seus propios desenvolvementos.

Versións

• PC DOS 1.0 - Agosto 1981 - Versión inicial, IBM PC
• PC DOS 1.1 - Maio 1982, daba soporte a disquetes de dúas caras.
• MS-DOS 1.25 - Maio 1982 - Primeira versión que se empregou en hardware non IBM
• MS-DOS 2.0 - Marzo 1983 - Introducido para xestionar o IBM XT, incorporaba soporte para disco ríxido, e incluía elementos collidos de Unix como os subdirectorios.
• PC DOS 2.1 - Outubro 1983
• MS-DOS 2.11 - Marzo 1984
• MS-DOS 3.0 - Agosto 1984 - deseñado para soportar o IBM AT coa posibilidade de discos ríxidos máis grandes e disquetes de 1.2MB
• MS-DOS 3.1 - Novembro 1984
• MS-DOS 3.2 - Xaneiro 1986 - admitía unidades de disquetes de 3'5 polgadas.
• PC DOS 3.3 - Abril 1987
• MS-DOS 3.3 - Agosto 1987 - con capacidade para crear múltiples particións no disco ríxido.
• MS-DOS 4.0 - Xullo 1988 - xestionaba discos ríxidos con particións de máis de 32 MB e ata 512 MB. Nova interface gráfica e permitía o emprego da memoria expandida
• MS-DOS 4.01 - Novembro 1988 -
• MS-DOS 5.0 - xuño 1991 - En resposta ao DR-DOS proporciona controladores para xestionar novas ampliacións de memoria, incorpora editor, liguaxe de programación QBasic
• MS-DOS 6.0 - Marzo 1993 - En resposta ao DR-DOS 6.0, incluía unha ferramenta de compresión de disco e MemMaker, administrador de memoria ampliada. Versión con moitos fallos polo que foi substituída por:
• MS-DOS 6.2 - Novembro 1993
• MS-DOS 6.21 - febreiro 1994
• PC DOS 6.3 - abril 1994
• MS-DOS 6.22 - xuño 1994
• PC DOS 7.0 - abril 1995
• MS-DOS 7.0 - Agosto 1995 - Incluída en Windows 95.
• MS-DOS 7.1 - Agosto 1996
• MS-DOS 8.0 - Setembro 2000 - Incluída en Windows ME.
• PC DOS 2000 - Derradeira versión da familia de MS-DOS

Véxase tamén

Outros artigos

• Lista de comandos do MS-DOS

Ligazóns Externas

• Referencia de MS-DOS (en inglés)
• Emulador de MS-DOS Multiplataforma