Ludwig Reichenbach

Heinrich Gottlieb Ludwig Reichenbach, máis coñecido como Ludwig Reichenbach, nado o 8 de xaneiro de 1793 en Leipzig, e finado o 17 de marzo de 1879 en Dresde, foi un naturalista alemán, destacado botánico e zoólogo, especializado en ornitoloxía.

Ludwig Reichenbach

Retrato de H. G. Ludwig Reichenbach
Nome orixinal	Heinrich Gottlieb Ludwig Reichenbach
Biografía
Nacemento	(de) Heinrich Gottlieb Ludwig Reichenbach 8 de xaneiro de 1793 Leipzig
Morte	17 de marzo de 1879 Dresde
Lugar de sepultura	Trinitatisfriedhof (Cemiterio da Trindade) de Dresde
Datos persoais
País de nacionalidade	alemá
Formación profesional	Medicina, Ciencias Naturais
Educación	Universidade de Leipzig
Actividade
Campo de traballo	Historia natural
Lugar de traballo	Leipzig
Ocupación	naturalista (botánico, zoólogo) e ilustrador
Empregador	Universidade de Leipzig
Membro de	Leopoldina
Lingua	alemán, latín
Obra
Abreviación dun autor en botánica	Rchb.
Abreviatura do autor en zooloxía	Reichenbach
Arquivos en	Museum für Naturkunde Berlin, Archive (en) [ MfN, HBSB ZM S I, Reichenbach, L.], [ MfN, HBSB ZM S I, Eingangskatalog 1811-1857]
Familia
Fillos	Heinrich Gustav Reichenbach
Pai	Johann Friedrich Jakob Reichenbach
Premios
Membro da Leopoldina
Sinatura

Sepultura de Ludwig Reichenbach no Trinitatisfriedhof de Dresde.

Traxectoria

Reichenbach naceu en Leipzig en 1793 e, desde 1810 estudou Medicina e Ciencias Naturais na Universidade de Leipzig, ode chegou a ser titor.

En 1820 foi designado director do Museo de Historia Natural de Dresde, e profesor da Technische Universität Dresden (Universidade de Dresde), na que permaneceu até 1862. Máis tarde fundou o Xardín Botánico desa cidade, e foi tamén cofundador do seu Zoo.

As coleccións de zooloxía do Museo de Historia Natural dresdiano quedaron case completamente destruídas polo lume no incendio do palacio de Zwinger durante a crise constitucional de 1849, pero a Reichenbach foille posíbel substituír as colecciónes en tan só uns poucos anos. Esta colección pódese ver actualmente formando a base expositiva do Museo.

Durante décadas, Reichenbach foi o presidente (desde 1836 até 1866), da Naturwissenschaftlichen Gesellschaft ISIS Dresden, a sociedade científica máis respectada da cidade. En 1834 iniciou os traballos para a constitución da sociación de Benestar Animal de Dresde, que foi finalmente fundada en 1839. Tanto a ISIS como a Asociación de Benestar Animal aínda existen hoxe.

Reichenbach foi un autor prolífico, en linguas latina e alemá, e un artista botánico aceptábel. As súas obras principais son Iconographia Botanica seu Plantae criticae (1823-1832, 10 vols.) e Handbuch der speciellen Ornithologie (1851-1854) e, no aspecto iconográfico, a primeira das citadas e máis Vollständigste Naturgeschichte des In- und Auslandes (1845–1854, 2 volumes en 9 tomos), ambas as dúas con máis de 1 000 láminas.

Ludwig Reichenbach describiu e clasificou máis de 2 900 novas especies de vexetais. e xéneros de animais, como Dinemellia, así como especies.

Reichenbach morreu o 17 de marzo de 1879 en Dresde, e foi soterrado no cemiterio da Trindade sesta cidade. A tumba foi arranxada despois do abandono que sufriu durante moitos anos. A administración do cemiterio respectou o sitio da sepultura, pero non máis. Recentemente, por iniciativa das coleccións de Historia Natural do Museo de Dresde, puídose construír unha estela, que se pesentou o 11 de setembro de 2011.

Obras

• Flora germanica excursoria. 1830–1832, 2 tomos.
• Flora exotica. 1834–1836.
• Flora germanica exsiccata 1830–1845.
• Übersicht des Gewächsreichs und seiner natürlichen Entwickelungsstufen. 1828.
• Handbuch des natürlichen Pflanzensystems. 1837.
• Das Herbarienbuch. 1841.
• Abbildung und Beschreibung der für Gartenkultur empfehlenswerten Gewächse. 1821–1826, 96 láminas.
• Monographia generis Aconiti. 1820, 19 lámins.
• Illustratio specierum Aconiti generis. 1823–1827, 72 láminas.
• Iconographia botanica seu plantae criticae. 1823-1832, 1 000 láminas.
• Iconographia botanica exotica. 1827–1830.
• Regnum animale. 1834–1836, 79 láminas.
• Deutschlands Fauna. 1842, 2 tomos.
• Praktische Naturgeschichte der Vogel. 1845.
• Vollständigste Naturgeschichte des In- und Auslandes. 1845–1854, 2 volumes en 9 tomos con máis de 1 000 láminas.
• Avium Systema Naturale, das Naturliche System der Vogel. 1849.
• Handbuch der speciellen Ornithologie. 1851-1854.
• Die vollständigste Naturgeschichte der Affen. 1862.
• Aufzählung der Colibris oder Trochilideen in ihrer wahren natürlichen Verwandtschaft, nebst Schlüssel ihrer Systematik. 1854.
• Trochilinarum enumeratio: ex affinitate naturali reciproca primum ducta provisoria. 1855.

Abreviaturas

• A abreviatura Rchb. emprégase para indicar a Ludwig Reichenbach como autoridade na descrición e clasificación científica en botánica.​
• As abreviaturas Reichenbach e L. Reichenbach utilízanse para recoñecer a Ludwig Reichenbach como autoridade na descrición e taxonomía en zooloxía.

Honores

• En 1820 foi elixido membro da Leopoldina.
• 50 especies fóronlle dedicadas a este autor, entre elas:
  A violeta Viola reichenbachiana Jord. ex Boreau (sin. V. sylvatica (Hartm.) Fr. ex Hartm. e V. sylvestris Lam.).
  A cactácea Echinopsis reichenbachiana Pfeiff. ex C.F.Först.
• A rúa Reichenbachstraße de Dresde leva o seu nome.

Familiares destacados

Ludwig Reichenbach foi fillo de Johann Friedrich Jakob Reichenbach, autor, en 1818, do primeiro dicionario Grego-Alemán.

E foi o pai de Heinrich Gustav Reichenbach, tamén botánico, eminente especialista en orquídeas.

Véxase tamén

Bibliografía

• Wilhelm Heß (1888): "Reichenbach, Ludwig". En: Allgemeine Deutsche Biographie (ADB). Band 27, Duncker & Humblot, Leipzig, S. 667 f. (en alemán).

Ligazóns externas

• Biografía con retrato (en alemán).
• Bibliografía relacionada con Ludwig Reichenbach no catálogo da Biblioteca Nacional de Alemaña.
• Rchb. no International Plant Names Index (IPNI). Real Xardín Botánico de Kew, Herbario da Universidade Harvard e Herbario nacional Australiano (eds.).
• Reichenbach, Heinrich Gottlieb Ludwig, en Historische Vorlesungsverzeichnisse der Universität Leipzig (en alemán).