Luís Álvarez Angueira
Manuel Luís Álvarez Angueira, nado en Pontecesures o 22 de xaneiro de 1962, é un político galego do BNG.
| Biografía | |
|---|---|
| Nacemento | 22 de xaneiro de 1962  (62 anos)Pontecesures, España |
 Alcalde de Pontecesures | |
| 2011 – 2015 ← María Isabel Castro Barreiro – Cecilia Tarela → | |
| Alcalde de Pontecesures | |
| 1999 – 2007 ← Victoriano Trenco Romay – María Isabel Castro Barreiro → | |
| Actividade | |
| Lugar de traballo | Pontecesures |
| Ocupación | político, profesor de ensino secundario, remeiro |
| Partido político | Bloque Nacionalista Galego |
Traxectoria
editarRemeiro e profesor de Filosofía no instituto de Noia. Encabezou a candidatura do BNG en Pontecesures nas eleccións municipais de 1991 e logrou 2 concelleiros. Nas municipais de 1995 volveu lograr 2 concelleiros e apoiou a elección do candidato de Independentes por Pontecesures Victoriano Trenco Romay para arrebatarlle a alcaldía ó PPdeG, se ben non formou parte do goberno e o alcalde rematou integrándose no PPdeG ao ano seguinte.
Nas eleccións municipais de 1999 logrou de novo 2 concelleiros e foi elixido alcalde co apoio de ACP e PSdeG-PSOE, gobernando en coalición con estas formacións. Nas municipais de 2003 subeu a 4 concelleiros e foi a forza máis votada, polo que repetiu como alcalde cos mesmos apoios, pero gobernando nun principio tan só coa ACP en minoría, dado que o concelleiro socialista non quixo volver formar parte do goberno. En outubro de 2004 integrou no goberno á concelleira de Independentes por Pontecesures Maribel Castro Barreiro, polo que volveu a gobernar en maioría. Porén, en febreiro de 2006 o concelleiro da ACP Luís Ángel Sabariz foi expulsado do goberno, polo que volveu gobernar en minoría, chegando incluso a estudarse unha moción de censura encabezada polo único concelleiro do PSdeG, se ben foi abortada por parte da dirección socialista.
Nas municipais de 2007 volveu a sela forza máis votada e subeu a 5 concelleiros, a un da maioría absoluta, se ben perdeu a alcaldía ó apoiar os concelleiros do PPdeG e do PSdeG á única concelleira de IP Maribel Castro Barreiro[1]. Nas municipais de 2011 logrou de novo a vitoria ao lograr 4 concelleiros, recuperando a alcaldía tras firmar un pacto de goberno cos concelleiros do PSdeG e Terra Galega.[2] En setembro de 2014 anunciou que non volvería encabezar a candidatura do BNG,[3] polo que cesou como alcalde tralas municipais de 2015. En 2017 foi denunciado por agresión sexual pola súa sobriña, e concelleira do BNG en Rianxo, Hadriana Ordóñez Otero.[4][5][6]
| Predecesor: Victoriano Trenco Romay |
Alcalde de Pontecesures 1999 - 2007 |
Sucesor: Maribel Castro Barreiro |
| Predecesor: Maribel Castro Barreiro |
Alcalde de Pontecesures 2011 - 2015 |
Sucesor: Cecilia Tarela Barreiro |
Notas
editar- ↑ PSOE y PP se unen en Pontecesures y dan la Alcaldía a la única edil independiente
- ↑ Álvarez Angueira elixido alcalde de Pontecesures
- ↑ Luís Álvarez Angueira ´O peor de ser alcalde foi o acoso persoal´
- ↑ "Una joven de Taragoña denuncia a su tío político por agresión sexual". El Correo Gallego. 25 de xullo de 2017.
- ↑ A. Louro (18 de setembro de 2024). "Comienza el juicio contra el exalcalde de Pontecesures por presunta agresión sexual a su sobrina". Diario da Arousa.
- ↑ "Colectivos feministas arroupan en Compostela Hadriana Ordóñez, denunciante de abusos sexuais: "Nin un agresor sexual sen condena social"". Nós Diario. 18 de setembro de 2024.
Véxase tamén
editarBibliografía
editar- Barrera, F., ed. (2002). Gallegos. Quién es quien en la Galicia del siglo XXI. El Correo Gallego. p. 25. ISBN 84-8064-113-4.