Liga Nacional de Rugby

A Liga Nacional de Rugby é unha asociación de clubs da División de Honra do rugby español creada en 2018 co obxectivo de organizar a máxima competición nacional a nivel de clubs a partir do ano 2019 en coordinación coa Federación Española de Rugby, que é a organizadora das 51 edicións disputadas até a data e a propietaria de tódolos dereitos. A LNR toma como modelos as asociacións creadas noutros deportes como fútbol (LFP), baloncesto (ACB) ou balonmán (ASOBAL), onde os clubs autoxestionan a máxima competición.

Historia

A nova asociación foi presentada o 26 de maio de 2018 no Estadio José Zorrilla de Valladolid e a primeira asemblea levouse a cabo o 29 de xuño de 2018 no Colexio Maior Ximénez de Cisneros de Madrid. Nela tomou posesión o primeiro comité executivo formado por:

• Presidente: Macario Fernández-Alonso Trueba (do club Independiente)
• Secretario: Ignacio Sicilia Doménech (do club Aparejadores)
• Tesoureiro: Luis Ignacio Ardila Jiménez (do club Alcobendas)
• Vocal: José María Valentín-Gamazo (do club VRAC)
• Vocal: Alberto Malo Navío (do club Santboiana)

Os trece clubs fundadores foron os doce que disputarán a edición 2018-2019 da División de Honra e mailo equipo que perdeu a categoría na edición previa:

• Valladolid Rugby Asociación Club
• Club de Rugby El Salvador
• Club Alcobendas Rugby
• Independiente Rugby Club
• Ordizia Rugby Elkartea
• Unió Esportiva Santboiana
• Fútbol Club Barcelona
• Gernika Rugby Taldea
• Club de Rugby Cisneros
• Club de Rugby La Vila
• Hernani Club de Rugby Elkartea
• Club Deportivo Aparejadores Rugby Burgos
• Getxo Rugby Taldea

Na asemblea constituínte foron creados tres grupos de traballo: deportivo, económico e xurídico.

O comité xurídico quedou integrado por:

• José Antonio Garrote Mestre (do club VRAC)
• Juan Anto Iñaki Uribe Gerendiain (do club Gernika)
• Álvaro de Diego Alegre (do club Aparejadores)
• Paco González (do club Independiente)
• Javier González Clouté (do club El Salvador)

O comité de márketing quedou integrado por:

• José María Valentín Gamazo (do club VRAC)
• Peter Boland (do club Alcobendas)
• Fernando Pérez (do club El Salvador)
• Javier Castanedo (do club Independiente)

Véxase tamén

Ligazóns externas

• Conta oficial en Twitter da LNR (en castelán)
• Páxina web oficial da Federación Española de Rugby (en castelán)