Lee Ranaldo

Lee M. Ranaldo, nado on 3 de febreiro de 1956 en Glen Cove, Nova York, é un músico, escritor, produtor e artista visual estadounidense coñecido por ser vocalista, guitarrista, compositor e cofundador da banda de rock alternativo Sonic Youth. No ano 2004 a revista Rolling Stone elixiu a Ranaldo e ao seu compañeiro Thurston Moore o 33 e 34 mellores guitarristas de todos os tempos respectivamente. No mes de maio de 2012 a revista Spin publicou unha lista dos 100 mellores guitarristas, e Ranaldo e Moore quedaron situados no número 1.

Lee Ranaldo
Lee Ranaldo no Rock en Seine 2007
Data nacemento	3 de febreiro de 1956 (67 anos)
Nado en	Glen Cove, Nova York
Cónxuxe	Leah Singer
Ocupación	guitarrista, poeta, cantante, compositor, produtor musical, cantautor, músico, artista visual, director de fotografía e artista de instalacións
Instrumento(s)	guitarra, voz
Selo(s) discográfico(s)	Neutral, Ecstatic Peace!, Homestead, SST, Enigma, DGC, SYR, Interscope, Matador
Relacionado con	Sonic Youth, The Cribs, Text Of Light, Plus Instruments
Tempo en activo	1980 - presente
Na rede
http://www.leeranaldo.com/
[ editar datos en Wikidata ]

Ranaldo's Moonlander,Yuri Landman, 2007

Ranaldo ten tres fillos, Cody Linn Ranaldo, Sage Ranaldo e Frey Ranaldo, e está casado coa artista experimental Leah Singer, coa cal ten feito moitas performances en directo con música improvisada.

Biografía

Ranaldo naceu en Glen Cove, Long Island, Nova York. Medrou escoitando discos dos Rolling Stones, The Kinks, Cream, Led Zeppelin, Talking Heads e Television, e graduouse na Binghamton University.

Mentres estaba na universidade tocou nunha banda experimental de punk rock chamada Fluks. En 1979 trasladouse a Brooklyn onde intentou revivir Fliks e onde se uniu a diversos proxectos como Rhys Chatham e Plus Instruments. A través de Chatham coñecería ao compositor Glenn Branca e uniuse á súa orquestra de guitarras eléctricas. Un ano máis tarde Thurston Moore oganizou o Noise Festval na galería de arte White Columns e convidouno a formar parte do seu grupo, no que tamén estaba a súa moza Kim Gordon, nacendo así Sonic Youth. Ao pouco tempo uniríaselles o batería Richard Edson.

Ademais da súa actividade con Sonic Youth, Ranaldo ven sendo unha figura moi activa na escena musical de Nova York, gravando e colaborando con numerosos artistas, producindo discos, e publicando varios libros.

Entre as gravacións en solitario de Ranaldo atópanse Dirty Windows, unha colección de textos falados con música; Amarillo Ramp (For Robert Smithson), pezas para guitarra; e Scriptures of the Golden Eternity. Escribiu tamén libros, moitos dos cales inclúen imaxes e fotografías da súa muller, como Bookstore, Road Movies e Jrnls80s.

Discografía en solitario

Álbums

Álbum	Ano	Selo	Notas
From Here to Infinity	1987	SST Records, Blast First
Scriptures of the Golden Eternity	1993	Father Yod, Drunken Fish Records
Dirty Windows	1999	Barooni
Amarillo Ramp (For Robert Smithson)	2000	Starlight Furniture Co.
Outside My Window The City Is Never Silent - A Bestiary	2002	Chocolate Monk, Hell's Half Halo
Music for Stage and Screen	2004	Les Disques Du Soleil Et De L'Acier
Ambient Loop for Vancouver	2006	Important Records
Maelstrom from Drift	2008	Three Lobed Recordings
Between the Times and the Tides	2012	Matador Records
Last Night on Earth	2013	Matador Records	con The Dust
Acoustic Dust	2014	El Segell	con The Dust
Electric Trim	2017	Mute Records

EPs e sinxelos

• A Perfect Day EP (1992)
• Broken Circle / Spiral Hill EP (1994)
• Countless Centuries Fled Into The Distance Like So Many Storms EP (2008)

Recompilatorios

• East Jesus - 1995

Véxase tamén

Ligazóns externas

• Páxina oficial de Sonic Youth (en inglés)

---

Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---