Lasse Virén

Lasse Artturi Virén (22 de xullo de 1949 en Myrskylä) é un atleta finés retirado, gañador de catro medallas de ouro nos Xogos Olímpicos de 1972 e 1976 en 5.000 e 10.000 metros.

Lasse Virén
Nome completo	Lasse Artturi Virén
Nacemento	22 de xullo de 1949
Lugar de nacemento	Myrskylä
Nacionalidade	Finlandia
Ocupación	político, atleta, policía e emprendedor
Premios	The Great Cross of Merit of Finnish Sports and Culture of Physical Exercise
Na rede
[ editar datos en Wikidata ]

Cadro de medallas
Atletismo masculino
Xogos Olímpicos
Ouro	Múnic 1972	5.000 m
Ouro	Múnic 1972	10.000 m
Ouro	Montreal 1976	5.000 m
Ouro	Montreal 1976	10.000 m
Campionato de Europa de Atletismo
Bronce	Roma 1974	5.000 m

Policía de profesión debutou na alta competición en 1971 nos Campionatos de Europa celebrados en Helsinqui. Foi unha das grandes estrelas dos Xogos Olímpicos de Múnic, ao conseguir gañar tanto en 5.000 como en 10.000 m, nesta última especialidade bateu o récord mundial con 27:38,4 nunha carreira épica na que tropezou e caeu na volta doce, inda así ergueuse conseguindo a vitoria e o récord. Foi o cuarto atleta da historia en gañar ambas as dúas probas nuns Xogos Olímpicos, despois de Hannes Kolehmainen en 1912, Emil Zátopek en 1952 e Vladimir Kuts en 1956. Poucas semanas despois dos Xogos de Helsinqui estableceu un novo récord mundial nos 5.000 m con 13:16,4.

Nos Campionatos de Europa de Roma en 1974 gañou o bronce nos 5.000 m e foi 7º nos 10.000 m. Nos Xogos Olímpicos de Montreal 1976 gañou o ouro nos 5.000 e nos 10.000, mentres que foi 5º na maratón. Foi o primeiro atleta, e o único, en gañar os 5.000 e os 10.000 m en dous Xogos Olímpicos. Con todo as súas vitorias levantaron controversias, nos Xogos Olímpicos de 1976 deu a volta de honra cuns tenis na man, o comité Olímpico Internacional acusouno de motivacións malévolas, como amosar o logo dos tenis. Tamén foi acusado de practicar a hemotransfusión que non era ilegal na época pero que el sempre negou.

Despois de retirarse do atletismo tras os Xogos Olímpicos de 1980 nos que quedou quinto nos 10.000 metros. entrou en política e foi deputado no Parlamento finés.