Juan Pérez Díaz
Juan Pérez Díaz, nado en Cela (Irixoa) en 1928 e finado o 23 de novembro de 2005, foi un político galego.
| Biografía | |
|---|---|
| Nacemento | 1928  Cela, España |
| Morte | 23 de novembro de 2005 (76/77 anos) Irixoa, España |
 Alcalde de Irixoa | |
| 1987 – 23 de novembro de 2005 (finado no cargo) – Antonio Deibe Sanmartín → | |
| Actividade | |
| Ocupación | político |
| Partido político | Partido Popular de Galicia Unión de Centro Democrático |
Traxectoria
editarTraballou como tratante de madeira e no Pazo de Mariñán. Foi concelleiro en Irixoa entre 1961 e 1967. Nas primeiras eleccións democráticas foi elixido concelleiro e tenente de alcalde pola UCD, que obtivo a maioría absoluta, continuando tralas municipais de 1983 por CP, que tamén logrou maioría absoluta[1].
Nas municipais de 1987 encabezou a candidatura da CPG e foi elixido alcalde con maioría simple, establecendo unha coalición co PSdeG-PSOE. Foi un dos alcaldes da coalición que, en xuño de 1989, respaldou o apoio de 3 dos seus deputados á moción de censura presentada polo socialista Salvador Fernández Moreda contra o popular José Manuel Romay Beccaría na Deputación da Coruña. Presentouse por Veciños de Irixoa nas municipais de 1991 e foi reelixido alcalde con maioría absoluta. Nas municipais de 1995 encabezou o PPdeG e mantivo a alcaldía con maioría absoluta, ó igual que en 1999 e 2003. Faleceu o 23 de novembro de 2005, e foi substituído polo tamén popular Antonio Deibe Sanmartín.
| Predecesor: Manuel Freire Vázquez |
Alcalde de Irixoa 1987 - 2005 |
Sucesor: Antonio Deibe Sanmartín |
Vida persoal
editarCasou e tivo unha filla.
Notas
editar- ↑ La Voz de Galicia A Coruña, 18-6-1988, p.37