Juan Luis Rodríguez-Vigil

Juan Luis Rodríguez-Vigil Rubio, nado en Valdepeñas, Cidade Real o 15 de marzo de 1945, é un político socialista español. Foi presidente do Principado de Asturias entre 1991 e 1993.

Juan Luis Rodríguez-Vigil

Biografía
Nacemento	17 de marzo de 1945 (80 anos) Valdepeñas, España
3º Presidente do Principado de Asturias
11 de xullo de 1991 – 17 de xuño de 1993 ← Pedro de Silva – Antonio Trevín →
Datos persoais
Educación	Universidade de Oviedo
Actividade
Ocupación	funcionario, avogado, escritor, político
Partido político	Partido Socialista Obrero Español
Membro de	Federación Socialista Asturiana

Naceu en Valdepeñas, aínda que moi pronto se trasladou a vivir a L'Infiestu (Piloña), orixe da súa familia, onde permaneceu até os 13 anos, cando se foi para Oviedo. Alí estudou Dereito na Universidade de Oviedo, pertencendo á Frente de Liberación Popular. Pertence por oposición ao Corpo Superior de Administradores Civís do Estado. Traballou no Ministerio de Industria e no de Obras Publicas, en Madrid; pediu excedencia e exerceu de avogado laboralista para a UXT en Oviedo e, posteriormente, foi secretario xeral da dirección provincial de Sanidade.

En 1971 afiliouse ao PSOE, do que foi membro do Comité Federal desde 1976 a 1979. Pertenceu a varias comisións executivas rexionais, sendo até 1991 secretario executivo rexional. Entre 1982 e 1991 formou parte dos distintos gobernos autonómicos presididos por Rafael Fernández primeiro e Pedro de Silva despois, como Conselleiro de Sanidade e Servizos Sociais. Nas eleccións autonómicas de maio de 1991, encabezou a candidatura do PSOE á Xunta Xeral do Principado, sendo elixido deputado e investido Presidente. En 1993, viuse obrigado a dimitir tras o escándalo do petromocho, nun exercicio de coherencia política asumindo a súa responsabilidade no asunto.

Predecesor: Silvino Lantero Vallina	Conselleiro de Sanidade e Seguridade Social de Asturias 1982-1991	Sucesor: José García González
Predecesor: Pedro de Silva	Presidente do Principado de Asturias 1991-1993	Sucesor: Antonio Trevín