Rafael Fernández Álvarez

Rafael Luis Fernández Álvarez, nado en Oviedo o 17 de setembro de 1913 e finado no mesmo lugar o 18 de decembro de 2010, foi un dirixente político asturiano, o primeiro presidente do Principado de Asturias.

Rafael Fernández Álvarez
Presidente do Principado de Asturias
11 de xaneiro de 1982 – 17 de xuño de 1983
Vicepresidente	Bernardo Fernández Pérez
Sucedido por	Pedro de Silva Cienfuegos-Jovellanos
Presidente do Consello Rexional de Asturias
27 de setembro de 1978 – 11 de xaneiro de 1982
Senador nas Cortes Xerais de España por Asturias
15 de xuño de 1977 – 18 de xaneiro de 2000
Datos persoais
Nacemento	1 de outubro de 1913 Oviedo
Falecemento	18 de decembro de 2010 (97 anos) Oviedo
Partido	Federación Socialista Asturiana-Partido Socialista Obrero Español
Cónxuxe/s	Purificación Tomás Vega e Belén Torrecillas San Millán
Profesión	Avogado

Biografía

Naceu en Oviedo en 1913. Casou con Purificación Tomás en 1937, filla do dirixente socialista asturiano durante a II República Belarmino Tomás Álvarez. Enviuvou en 1990 e casou en 1996 con Belén Torrecillas San Millán.

Político pertencente á Federación Socialista Asturiana (FSA-PSOE). Durante a guerra civil, xogou un importante papel dentro do bando republicano. Así, como membro do Consello Interprovincial de Asturias e León (logo Consello Soberano), foi Conselleiro de Facenda; anteriormente fora Conselleiro de Xuventude.

Exiliouse en México tras a ocupación de Asturias polas tropas franquistas (setembro-outubro de 1937). Regresou a España en 1977. Foi o presidente, a partir de 1978, do Consello Rexional de Asturias (nome do órgano provisional preautonómico creado para Asturias polo Goberno de Adolfo Suárez) até as eleccións autonómicas de maio de 1983, as primeiras tras a aprobación do Estatuto de Autonomía de Asturias. Por iso, pódese considerar como o primeiro Presidente do Principado de Asturias.

Cargos Desempeñados

• Senador polo Principado de Asturias. (1977-2000)
• Secretario xeral da FSA-PSOE. (1977-1978)
• Presidente da FSA-PSOE. (1978-2010)
• Presidente do Consello Rexional de Asturias. (1978-1982)
• Presidente do Principado de Asturias. (1982-1983)

Véxase tamén

Ligazóns externas

• "La gran huella de Rafael Fernández". La Voz de Asturias. 26 de decembro de 2010. Arquivado dende o orixinal o 21 de xullo de 2011. Consultado o 3 de xuño de 2012. 
• "Fallece Rafael Fernández". La Voz de Asturias. 18 de decembro de 2010. Arquivado dende o orixinal o 15 de xullo de 2011. Consultado o 3 de xuño de 2012. 

Predecesor: Jesús Sanjurjo González	Secretario xeral da FSA-PSOE 1977-1978	Sucesor: Jesús Sanjurjo González
Predecesor: Isidoro Acevedo (en 1921)	Presidente da FSA-PSOE 1978-2010	Sucesor: Por definir
Predecesor: Ninguén	Presidente do Consello Rexional de Asturias 1978-1982	Sucesor: Ninguén (Presidente do Principado de Asturias)
Predecesor: Ninguén (Presidente do Consello Rexional de Asturias)	Presidente do Principado de Asturias 1982-1983	Sucesor: Pedro de Silva