Juan José Moralejo

Juan José Moralejo Álvarez, nado en Santiago de Compostela o 23 de setembro de 1941 e finado na mesma cidade o 25 de maio de 2012, foi un filólogo galego, fillo do tamén lingüista zamorano-galego Abelardo Moralejo Laso e irmán de José Luis Moralejo e Serafín Moralejo.

Juan José Moralejo

Biografía
Nacemento	23 de setembro de 1941 Santiago de Compostela, España
Morte	25 de maio de 2012 (70 anos)
Datos persoais
País de nacionalidade	España
Formación profesional	Dereito e Filoloxía Clásica
Actividade
Ocupación	escritor
Xénero artístico	Ensaio
Lingua	Lingua castelá
Familia
Pai	Abelardo Moralejo Laso
Irmáns	Serafín Moralejo e José Luis Moralejo

Traxectoria

Licenciado en Dereito na Universidade de Santiago de Compostela e doutor en Filoloxía Clásica pola Universidade Complutense de Madrid en 1971, foi catedrático de Lingua e Literatura Grega na Universidade de Santiago, na que exerceu docencia desde 1971. Foi Profesor de Lingua e Literatura grega e latina nas Universidades Complutense, de Navarra e de La Laguna. Ten colaborado en cursos, relatorios e conferencias en numerosas universidades, institucións e congresos.

Colaborador habitual do xornal La Voz de Galicia, obtivo o Premio Fernández Latorre de xornalismo en 1997.

Obra en galego

Ensaio

• A lingua galega hoxe, 1977, Galaxia.
• Guía para pilla-las troitas, miñas señoras, 1981, Xerais. 2ª edición ampliada en 2005 en Galaxia, publicada como As troitas, miñas señoras.
• A lingua galega e os seus problemas, 1982, Galaxia.
• Ambiente e principios ideolóxicos no teatro de Aristófanes, 1983.
• Bestiario helénico, 1991, La Voz de Galicia. Edición bilingüe galego-castelán.

Traducións

• Aristóteles. Política, 2003, Universidade de Santiago de Compostela.

Obra en castelán

Ensaio

• Gramática de las inscripciones délficas (fonética y morfología): (siglos VI-III a. C.), 1973, Universidade de Santiago de Compostela.
• Callaica nomina: estudios de onomástica gallega, 2008, Fundación Barrié.

Obras colectivas

• Nuevos estudios de literatura griega, 1981, Fundación Pastor de Estudios Clásicos.
• Liber Sancti Jacobi: Codex Calixtinus, 2004, Xerencia de Promoción do Camiño de Santiago.

Véxase tamén

Ligazóns externas

• Juan José Moralejo na páxina web da Asociación de Escritoras e Escritores en Lingua Galega.