Juan Carlos González Martín
Juan Carlos González Martín, alcumado "Culebra" ou "Culebras", nado en Vigo c.1938 e finado na mesma cidade o 25 de maio de 2018,[1] foi un piloto de rally, contrabandista de tabaco e narcotraficante galego.
| Biografía | |
|---|---|
| Nacemento | 1938  Vigo, España |
| Morte | 25 de maio de 2018 (79/80 anos) Vigo, España |
| Datos persoais | |
| País de nacionalidade | España |
| Actividade | |
| Ocupación | piloto de rally , contrabandista , situación penal |
| Lingua | Lingua castelá |
| Deporte | Rally |
Traxectoria editar
Piloto de rally editar
Competiu en rallys dende os anos 60, gañando o alcume de "Culebra". En 1967, a bordo dun Seat 850 Coupé, rematou quinto no Rally Rías Baixas[2] e na edición do ano seguinte mellorou un posto, conducindo un Renault 8 Gordini.[3] Disputou varios rallys máis a finais dos anos 70 e logrou a súa primeira vitoria no Rally San Froilán de 1979 a bordo dun Seat 1430. Tamén ese ano gañou a VI Subida a Manzaneda.[4] Despois de máis de dez anos sen competir reapareceu no Rally Rías Baixas de 1990, tras mercarlle a Pep Bassas o BMW M3 co que este se proclamara campión de España en 1989. Con este vehículo rematou segundo o rally por detrás de Germán Castrillón.[5] Gañou logo o Rally do Sil de 1991 e o Rías Baixas de 1991 con outro BMW M3 adquirido tamén a Pep Bassas. Sumou un total de tres vitorias no Campionato de Galicia de Rally.
Contrabandista e narcotraficante editar
Dedicouse ao contrabando de tabaco dende a súa xuventude, sendo detido e sancionado varias veces durante os anos 60 e 70.[6][7][8] Posteriormente pasou ao narcotráfico e en 1996 foi detido por intentar vender 800 quilogramos de haxix a uns clientes que resultaron ser axentes encubertos. Foi condenado en 1999 e pasou catro anos no cárcere.[9][10] No ano 2008 foi detido con toda a súa familia no marco da Operación Malpolón,[11] na que se lle incautaron numerosos bens e propiedades, entre eles 6 millóns de euros que tiña nun banco en Portugal, outros 13 millóns invertidos a través de sociedades, 32 inmobles, nove vehículos, un iate, obras de arte e xoias.[12] En 2015 foi condenado a seis anos de cárcere e a pagar unha multa de 56 millóns de euros por branqueo de capitais.[13] Segundo a sentenza, a rede encabezada por el e da que tamén formaban parte varios membros da familia, branqueou máis de 20 millóns de euros procedentes do narcotráfico, a través de decenas de operacións mercantís.[14] Ademais foron condenados a penas de entre 3 e 5 anos de prisión a súa muller, os seus tres fillos, dúas sobriñas e unha antiga compañeira sentimental, ademais de varias persoas máis con diferentes penas.[14] Mentres que os membros da súa familia entraron na prisión para cumprir as súas condenas,[15] o "Culebra" alegou problemas de saúde nunha serie de recursos que foron retardando o seu ingreso, ata que faleceu en 2018 sen pisar o cárcere.[16]
Notas editar
- ↑ Foces, Ujué (30 de maio de 2018). "Muere sin entrar en prisión "El Culebra", líder de la mayor red de blanqueo de Vigo". Faro de Vigo (en castelán). Consultado o 19 de maio de 2020.
- ↑ "Bernard Tramont, gran triunfador". El Pueblo Gallego (en castelán). 22 de agosto de 1967. Consultado o 20 de maio de 2020.
- ↑ "Juan Fernández triunfó en el 6º Rally a las Rías Bajas". El Pueblo Gallego (en castelán). 20 de agosto de 1968. Consultado o 20 de maio de 2020.
- ↑ ""Culebras" primer triunfador de la temporada". El Pueblo Gallego (en castelán). 14 de febreiro de 1979. Consultado o 5 de xuño de 2020.
- ↑ "Castrillón, el más rápido en los tramos nocturnos, venció en el Rías Baixas". La Voz de Galicia (en castelán). 30 de xullo de 1990. p. 25.
- ↑ "Se aclara la aparición de tabaco rubio en las playas de Avilés". El Pueblo Gallego (en castelán). 8 de marzo de 1962. Consultado o 20 de maio de 2020.
- ↑ "Aprehensión de importantes contrabandos". El Pueblo Gallego (en castelán). 25 de xaneiro de 1973. Consultado o 20 de maio de 2020.
- ↑ "Sanciones por contrabando". El Pueblo Gallego (en castelán). 30 de marzo de 1975. Consultado o 20 de maio de 2020.
- ↑ Pita, E. V. (3 de xullo de 2007). "El misterio de la fortuna del Culebras". La Voz de Galicia (en castelán). Consultado o 20 de maio de 2020.
- ↑ "La gran fortuna de un pensionista" (en castelán). 13 de marzo de 2015. Consultado o 20 de maio de 2020.
- ↑ "Detenido en Vigo el histórico narco "Culebras" y otras 10 personas por blanqueo de capitales". Faro de Vigo (en castelán). 30 de xaneiro de 2008. Consultado o 22 de maio de 2020.
- ↑ "El emporio de Culebras, un ex piloto de ralis, fue confiscado por su posible origen en el narcotráfico". La Voz de Galicia (en castelán). 22 de xuño de 2009. Consultado o 22 de marzo de 2020.
- ↑ "La Audiencia de Pontevedra condena a 50 años de prisión y 160 millones en multas a la red del ‘Culebras’ por blanqueo de capitales" (en castelán). 12 de marzo de 2015. Arquivado dende o orixinal o 01 de xuño de 2020. Consultado o 22 de maio de 2020.
- ↑ 14,0 14,1 "Condenada la red del 'Culebras' a 50 años de prisión y 160 millones en multas". El Correo Gallego (en castelán). 11 de marzo de 2015. Consultado o 20 de maio de 2020.
- ↑ "El culebras, el único en la calle tras entrar en prisión su mujer y su hija". El Correo Gallego (en castelán). 5 de outubro de 2017. Consultado o 20 de maio de 2020.
- ↑ "Muere un narco gallego sin cumplir la condena que llevó a su familia a la cárcel". El País (en castelán). 29 de maio de 2018. Consultado o 20 de maio de 2020.