José Pérez Iglesias
José Pérez Iglesias, nado en Orega (Leiro) o 2 de xullo de 1952, é un profesor e político galego do PPdeG.
| Biografía | |
|---|---|
| Nacemento | 2 de xullo de 1952  (71 anos)Orega, España |
| Alcalde | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Partido Popular |
| Membro de | |
| Lingua | Lingua castelá |
Traxectoria editar
Estudou no seminario e despois pasou ao Colexio Cisneros. Fixo o bacharelato no IES Otero Pedrayo e a carreira de Xeografía e Historia na Universidade de Santiago de Compostela. Profesor de Xeografía e Historia no IES de Ribadavia, do que foi director entre 1986 e 1995. Militou no PNG. Nas eleccións municipais de 1995 encabezou a candidatura Independentes Concello de Ribadavia, logrando 2 concelleiros e sendo a chave de goberno. Desta forma, apoiou ó candidato do PPdeG Jaime Dávila Sánchez e pasou a ser tenente de alcalde e concelleiro de Cultura. Posteriormente integrouse no PPdeG, e encabezou a súa candidatura en substitución de Dávila nas municipais de 1999. En ditas eleccións foi a forza máis votada e foi elixido alcalde co apoio do único concelleiro de Jóvenes Populares do Ribeiro, o cal foi expulsado da formación por formar goberno cos populares de costas á organización. Durante este mandato chegou a ocupala presidencia da Mancomunidade de Concellos do Ribeiro.
En 2002 perdeu a maioría de goberno tras cesar no mes de febreiro a unha das edís do grupo popular[1]. En novembro cesaría ó edil electo por Jóvenes Populares[2]. Nas municipais de 2003 pese a volver a sela forza máis votada non obtivo a maioría absoluta, polo que perdeu a alcaldía tras logralo PSdeG-PSOE un pacto co BNG. Nas municipais de 2007 foi superado polo PSdeG, polo que permaneceu como portavoz do PPdeG na oposición ata o final do mandato no 2011. En 2012 foi nomeado director do SEPE (Servizo Público de Emprego Estatal) en Ourense.[3]
| Predecesor: Jaime Dávila Sánchez |
 Alcalde de Ribadavia 1999 - 2003 |
Sucesor: Marcos Blanco Jorge |
Notas editar
- ↑ El alcalde de Ribadavia anuncia el cese de la portavoz del gobierno en la sede del PP
- ↑ El PP destituye al concejal de Obras de Ribadavia por romper la disciplina de voto
- ↑ La Voz de Galicia, Ourense, 17-6-2018, p. 12
Véxase tamén editar
Bibliografía editar
- Barrera, Feliciano, ed. (2002). "Pérez Iglesias, José". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4.