José Cerviño

José Cerviño Cerviño, nado en Aldán (Cangas) o 21 de agosto de 1920 e finado en Vigo o 18 de abril de 2012, foi un bispo católico galego.

José Cerviño

Biografía
Nacemento	21 de agosto de 1920 Cangas, España
Morte	18 de abril de 2012 (91 anos) Vigo, España
Bispo de Tui-Vigo
8 de novembro de 1976 – ← José Delicado Baeza – Xosé Diéguez Reboredo → Diocese: Diocese de Tui-Vigo
Bispo titular
4 de xuño de 1968 – Diocese: diocese de Benepota
Bispo auxiliar de Santiago de Compostela
4 de xuño de 1968 – Diocese: Arquidiocese de Santiago de Compostela
Datos persoais
Relixión	Igrexa católica
Actividade
Ocupación	bispo católico (1968–), sacerdote católico (1946–), profesor universitario
Consagración	Fernando Quiroga Palacios

Traxectoria

Ordenouse sacerdote en Santiago de Compostela o 6 de abril de 1946. Ocupou diversos cargos como sacerdote, entre eles o de crego da parroquia urbana de San Miguel dos Agros en Santiago de Compostela, e despois foi reitor do Seminario Arquidiocesano.

O 4 de xuño de 1968 o papa Paulo VI nomeouno bispo titular de Benepota e bispo auxiliar de Santiago de Compostela, do que era titular o cardeal Quiroga Palacios, e recibiu a ordenación episcopal o 28 de xullo dese ano. Trala morte do arcebispo en decembro de 1971, ata abril de 1973 rexeu a arquidiocese coma vicario capitular, é dicir, coma bispo en funcións.

O 20 de maio de 1975 foi nomeado administrador apostólico da diocese de Tui-Vigo. Tomou posesión, por procurador, o 9 de xuño de 1975, e ocupou a súa praza o 21 dese mesmo mes. O 8 de novembro de 1976 Paulo VI nomeouno bispo de Tui-Vigo. Coma tal, tomou posesión da diocese na catedral de Tui o 18 de decembro de 1976.

Logo de vinte e un anos de servizo nesa diocese, renunciou ao seu cargo en 1995, ao acadar a idade de xubilación, pero non lle foi aceptada ata o 7 de xuño de 1996. Dende ese día ata o 14 de xullo do 1996, cando tomou posesión o novo bispo, rexeu a diocese coma administrador apostólico. A partir desa data quedou como bispo emérito.

Está enterrado na Capela do Santísimo da Catedral de Tui.

Sucesión apostólica

Artigo principal: Sucesión apostólica.

• José Cerviño Cerviño (1968)
• Fernando Quiroga Palacios (1946)
• Antonio García García (1930)
• Federico Tedeschini (1921)
• Giacomo della Chiesa (1907)
• Giuseppe Melchiorre Sarto (1884)
• Constantino Patrizi Naro (1828)
• Carlo Odescalchi (1823)
• Giulio Maria della Somaglia (1788)
• Hyacinthe-Sigismond Gerdil (1777)
• Marcantonio Colonna (1762)
• Carlo della Torre Rezzonico (1743)
• Prospero Lorenzo Lambertini (1724)
• Pietro Francesco Orsini (1675)
• Paluzzo Paluzzi Altieri degli Albertoni (1666)
• Ulderico Carpegna (1630)
• Luigi Caetani (1622)
• Ludivico Ludovisi (1621)
• Galeazzo Sanvitale (1604)
• Girolamo Bernerio (1586)
• Giulio Antonio Santorio (1566)
• Scipione Rebiba (1541)

Véxase tamén

Bibliografía

• Consagración Episcopal del Excmo. y Rvdmo. Señor José Cerviño Cerviño. Santiago de Compostela: Cabido da Catedral. 1968. 

Dignidades da Igrexa católica
Predecesor: José Delicado Baeza	Bispo de Tui-Vigo  1976 - 1996	Sucesor: Xosé Diéguez Reboredo