Jim O'Rourke
Jim O’Rourke nado en Chicago o 18 de xuño de 1969, é un músico e produtor estadounidense, asociado durante moito tempo á escena experimental de Chicago. Ao redor do ano 2000 mudouse a Nova York antes de trasladarse a Toquio, onde reside.
  | |
| Biografía | |
|---|---|
| Nacemento | 18 de xaneiro de 1969 (55 anos) Chicago, Estados Unidos de América |
| Residencia | Xapón |
| Educación | DePaul University (en)  |
| Actividade | |
| Ocupación | guitarrista, músico, compositor de bandas sonoras, produtor musical |
| Xénero artístico | Música experimental e indie rock |
| Instrumento | Guitarra, baixo, baixo e instrumento musical electrónico |
| Selo discográfico | Drag City |
           | |
Traxectoria
editarCoñecido por ter gustos excéntricos e como un experto en música moderna experimental, O’Rourke lanzou discos de jazz, noise e rock. Colaborou con xente como Bobby Conn, Derek Bailey, Stereolab, Loren Mazzacame Connors, Nurse with Wound, Fennesz, Organum, Henry Kaiser, Flying Saucer Attack, e máis recentemente mesturou os álbums Ys e Have One On Me de Joanna Newsom.
Produciu álbums de artistas tan variados coma Sonic Youth, Wilco, Stereolab, Saint Etienne, Kahimi Karie, Quruli, John Fahey, Smog, Faust, Tony Conrad, The Red Krayola, Bobby Conn, Beth Orton, Joanna Newsom e U.S. Maple. Mesturou o Yankee Hotel Foxtrot de Wilco e produciu o seu álbum do 2004, A Ghost Is Born, co cal gañou un Grammy ao mellor álbum alternativo. Durante a gravación de Yankee Hotel Foxtrot O'Rourke colaborou con Jeff Tweedy e Glenn Kotche nunha banda chamada Loose Fur. O seu auto-titulado álbum de estrea foi lanzado no 2003 ao que lle seguiu outro no 2006 titulado Born Again in the USA.
O'Rourke foi tamén membro de Illusion of Safety, Gastr Del Sol e Sonic Youth. A principios dos anos 2000 tocou o baixo, a guitarra e o sintetizador con Sonic Youth, ademais de facer labores de gravación e mestura. Foi membro da banda ata finais do ano 2005, pero continúa tocando con eles nalgúns dos seus proxectos paralelos.