Jerry Stackhouse

Jerry Stackhouse
	; (2020)
Biografía
Nacemento	5 de novembro de 1974 (49 anos); Kinston, Estados Unidos de América (pt)
Datos persoais
País de nacionalidade	Estados Unidos de América
Educación	Universidade de Carolina do Norte en Chapel Hill ; Kinston High School (en)
Altura	198 cm
Peso	99 kg
Actividade
Ocupación	baloncestista , adestrador de baloncesto
Período de actividade	1995 - 2013
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala e Escolta
Número deportivo	42
Convocado por	Philadelphia 76ers
Traxectoria
	Premios (2023) North Carolina Sports Hall of Fame ;
Páxina web	jerrystackhouse.com

Jerry Darnell Stackhouse, nado o 5 de novembro de 1974 en Kinston, Carolina do Norte, é un ex xogador profesional de baloncesto estadounidense. Actualmente traballa como adestrador asistente dos Toronto Raptors da National Basketball Association (NBA).

Carreira

Universidade

Asistiu a Universidade de Carolina do Norte dende 1993 até 1995, onde xogou con Rasheed Wallace. Cos Tar Heels pasou dúas tempadas, facendo na última 19,2 puntos e 8,2 rebotes por partido. Por entón eran inevitables as comparacións con Michael Jordan e dicíase que Stackhouse era o seu sucesor.

NBA

Foi elixido por Philadelphia 76ers na terceira posición do Draft da NBA de 1995. Na súa primeira campaña, Stackhouse liderou ao seu equipo en anotación con 19,2 puntos por partidos, sendo nomeado no mellor quinteto de rookies. Na tempada 1996-97, o equipo "drafteou" a Allen Iverson. Combinados, ambos os fixeron 44,2 puntos por partido para os 76ers.

A mediados da tempada 1997-98, foi traspasado a Detroit Pistons con Eric Montross por Theo Ratliff e Aaron McKie. Na 1999-2000, a súa segunda campaña completa cos Pistons, Stackhouse fixo 23,6 puntos por noite. Un ano máis tarde, explotou até os 29,8, anotando 57 puntos a Chicago Bulls na última xornada da liga.

Durante o verán de 2002, Stackhouse foi enviado a Washington Wizards nun traspaso que implicaba a seis xogadores e que mandaba a Richard Hamilton a Detroit. Na súa primeira tempada nos Wizards, Stackhouse liderou ao equipo en anotación con 21,5 puntos por partido. Debido a unha artroscopia no seu xeonllo dereito, Stack perdeuse 26 partidos da campaña seguinte.

Na pretemporada de 2004, Stackhouse foi traspasado xunto con Christian Laettner e unha primeira rolda a Dallas Mavericks a cambio de Antawn Jamison. Stackhouse serviu aos Mavericks no seu novo rol de sexto home, converténdose nun dos mellores da liga. O 8 de xullo de 2009 foi traspasado a Memphis Grizzlies nun troco a catro bandas. Con todo, un día despois da fichaxe foi liberado polos Grizzlies, asinando o 17 de xaneiro de 2010 cos Milwaukee Bucks para o resto da tempada. A seguinte tempada, o 23 de outubro, Stackhouse asinou un contrato para xogar en Miami Heat. O 23 de novembro, foi cortado por Miami para facerlle oco a Erick Dampier.

O 9 de decembro de 2011, Stackhouse asinou cos Atlanta Hawks. Tras unha tempada en Atlanta, asinou cos Brooklyn Nets un contrato dun ano o 11 de xullo de 2012.^[1] En 2013 abandona a súa carreira como profesional, pasando en 2015 a formar parte do grupo de adestradores asistentes dos Toronto Raptors.

Notas

↑ "Nets Sign 17-Year Veteran Jerry Stackhouse To One-Year Deal". CBS News New York. Consultado o 12 de xullo de 2012.

Véxase tamén

Ligazóns externas

Sitio web oficial (en inglés)
Ficha en NBA.com (en inglés)
Estatísticas de Jerry Stackhouse Arquivado 31 de maio de 2020 en Wayback Machine. (en inglés)

[1] "Nets Sign 17-Year Veteran Jerry Stackhouse To One-Year Deal". CBS News New York. Consultado o 12 de xullo de 2012.

[1]